چنار سەعد عەبدوڵا

ئەکادیمی و سیاسەتمەدار دكتۆر چنار سه‌عد عه‌بدوڵا، ساڵی ١٩٩٣ په‌یوه‌ندی به‌ ڕیزه‌كانی یه‌كێتی قوتابیانی كوردستان و ساڵی ١٩٩٥ په‌یوه‌ندی به‌ ڕیزه‌كانی پارتی دیموكراتی كوردستانەوە کردووە،...


ئەکادیمی و سیاسەتمەدار دكتۆر چنار سەعد عەبدوڵا، ساڵی ١٩٩٣ په‌یوه‌ندی به‌ ڕیزه‌كانی یه‌كێتی قوتابیانی كوردستان و ساڵی ١٩٩٥ په‌یوه‌ندی به‌ ڕیزه‌كانی پارتی دیموكراتی كوردستانەوە کردووە، ساڵی ٢٠٠٥ بووه‌ته‌ ئه‌ندامی خولی دووەمی ئه‌نجومه‌نی نیشتمانیی كوردستان، ساڵی ٢٠٠٦ بووەتە وه‌زیری كاروباری شه‌هیدان و ئه‌نفالكراوه‌كان‌ له‌ کابینەی پێنجەمی حكومه‌تی هه‌رێمی كوردستان، ساڵی ٢٠١٠ و لە كۆنگره‌ی سێزده‌یه‌‌مدا به‌‌ ئه‌ندامی ئه‌نجومه‌نی سه‌ركردایه‌تی پارتی دیموكراتی كوردستان هه‌ڵبژێردراوه‌.


ژیاننامە

چنار سەعد عەبدوڵا ساڵی ١٩٧٤ لە شاری هەولێر له‌دایكبووە، ساڵی ١٩٩٥ به‌كالۆریۆسی كۆمه‌ڵناسی و ساڵی ٢٠٠٢ ماستەری کۆمەڵناسی و ساڵی ٢٠٠٦ بڕوانامەی دکتۆرای کۆمەڵناسی لە زانکۆی سەڵاحەدین-هەولێر وەرگرتووە و وەکو مامۆستا لە هەمان زانکۆدا دامەزراوە، ساڵی ٢٠٠٥ بووه‌ته‌ ئه‌ندامی خولی دووەمی ئه‌نجومه‌نی نیشتمانیی كوردستان و ساڵی ٢٠٠٦ بووەتە وه‌زیری كاروباری شه‌هیدان و ئه‌نفالكراوه‌كان‌ له‌ کابینەی پێنجەمی حكومه‌تی هه‌رێمی كوردستان. شاره‌زای زمانه‌كانی كوردی، عه‌ره‌بی، فارسی و ئینگلیزییه‌.


خەباتنامە

چنار سەعد عەبدوڵا ساڵی ١٩٨٦ له‌به‌ر چالاكی سیاسی باوكی له‌گه‌ڵ خانه‌واده‌كه‌ی ئاواره‌ی وڵاتی ئێران بووه‌ و ساڵی ١٩٩١ له ‌دوای ڕاپه‌ڕینی باشووری كوردستان گه‌ڕاوه‌ته‌وه‌ نێشتمان، ساڵی ١٩٩٣ په‌یوه‌ندی به‌ ڕیزه‌كانی یه‌كێتی قوتابیانی كوردستان و ساڵی ١٩٩٥ په‌یوه‌ندی به‌ ڕیزه‌كانی پارتی دیموكراتی كوردستانەوە کردووە.

ساڵی ٢٠٠٥ بووه‌ته‌ ئه‌ندامی خولی دووەمی ئه‌نجومه‌نی نیشتیمانی كوردستان و‌ ئه‌ندامی لێژنه‌ی كاروباری په‌روه‌رده‌ و فێركردنی باڵا، ساڵی ٢٠٠٦ له‌ کابینەی پێنجەمی حكومه‌تی هه‌رێمی كوردستان بووەتە وه‌زیری كاروباری شه‌هیدان و ئه‌نفالكراوه‌كان‌.

ساڵی ٢٠١٠ لە كۆنگره‌ی سێزده‌یه‌‌مدا به‌‌ ئه‌ندامی ئه‌نجومه‌نی سه‌ركردایه‌تی پارتی دیموكراتی كوردستان هه‌ڵبژێردراوه‌ و كراوه‌ته‌ به‌رپرسی به‌شی پیشه‌یی ده‌سته‌ی ڕێكخراوه‌ جه‌ماوه‌ری و پیشه‌یییه‌كان و ساڵی ٢٠١٧ كراوه‌ته‌ به‌رپرسی مه‌كته‌بی دیراسات و توێژینه‌وه و ئه‌كادیمیای پارتی دیموكراتی كوردستان‌.

لە ٦ی تشرینى دووەمى ساڵى ٢٠٢٢ لە کۆنگرەی چواردەیەمی پارتی دیموکراتی کوردستان  لە شاری دهۆک لەلایەن ئەندامانى کۆنگرە بە ئەندامى کۆمیتەى ناوەندى هەلبژێردرا


سەرچاوە:

  • ئەرشیفی دەستەی ئینسکلۆپیدیای پارتی دیموکراتی کوردستان.

بابەتی پەیوەندیدار

سه‌رباز هه‌ورامی

سه‌رباز نادر عه‌لی موراد، ناسراو به‌ (سه‌رباز هه‌ورامی)، لە شارى هەڵەبجە لەدایک بووە، ساڵی ١٩٧٩ په‌یوه‌ندی به‌ ڕیزه‌كانی پارتی دیموكراتی كوردستانه‌وه‌ كردووه‌، ساڵی ١٩٩٩ لە کۆنگرەى ١٢یەمى پارتی دیموكراتی كوردستان به‌‌ ئه‌ندامی كۆمیته‌ی ناوه‌ندی هه‌ڵبژێردراوه‌.

زانیاری زیاتر

ساڵح پێداوی

ساڵح ئه‌حمه‌د فه‌تاح خدر، ساڵى ١٩٣٣ لە پارێزگاى دهۆک لەدایک بووە، ساڵی ١٩٦٣ په‌یوه‌ندی به‌ ڕیزه‌كانی هێزی پێشمه‌رگەى شۆڕشى ئەیلوول كردووه‌، ساڵی ١٩٦٦ فه‌رمانده‌ی به‌تالیۆنی چواری هێزی قه‌ره‌داغ سه‌ر به‌ له‌شكری سێی هێزى پێشمەرگە بووه‌، ساڵی ١٩٦٩ فه‌رمانده‌ی هێزی به‌مۆ بووه‌. ساڵی ١٩٧٩ له‌لایه‌ن نوێنه‌رانی كۆنگره‌ی نۆیه‌م به‌ ئه‌ندامی یه‌ده‌گی كۆمیته‌ی ناوه‌ندی پارتی دیموكراتی كوردستان هه‌ڵبژێردراوه‌.

زانیاری زیاتر

نه‌ژاد ئه‌حمه‌د عه‌زیز ئاغا

نه‌ژاد ئه‌حمه‌د عه‌زیز ئاغا، ساڵى ١٩٢٤ لە شارى سلێمانى لەدایک بووە، ساڵی ١٩٥٦ په‌یوه‌ندی به‌ ڕیزه‌كانی پارتی دیموكراتی كوردستان كردووه‌، له‌ ڕێكه‌وتی ٤ی حوزه‌یرانی ١٩٩٢ بووه‌ته‌ ئه‌ندامی ئه‌نجوومه‌نی نیشتمانی كوردستان. له‌ ڕێكه‌وتی ١ی تشرینی دووه‌می ١٩٩٧ به‌ هۆی نه‌خۆشی دڵه‌وه‌ له‌ شاری له‌نده‌ن كۆچی دوایی كردووه‌.

زانیاری زیاتر

چیا هەرکی

لە ٦ی تشرینى دووەمى ساڵى ٢٠٢٢ لە کۆنگرەى ١٤یەمى پارتی دیموکراتی کوردستان لە شاری دهۆک لەلایەن ئەندامانى کۆنگرە بە ئەندامى کۆمیتەى ناوەندى هەلبژێردرا.

زانیاری زیاتر

حەمید عەلی

لە ٦ی تشرینى دووەمى ساڵى ٢٠٢٢ لە کۆنگرەی چواردەیەمی پارتی دیموکراتی کوردستان لە شاری دهۆک لەلایەن ئەندامانى کۆنگرە بە ئەندامى کۆمیتەى ناوەندى هەلبژێردرا. 

زانیاری زیاتر