شەهید ئەکرەم جەلال، ساڵی ١٩٨٠ پەیوەندی بە هیزى پێشمەرگەى شۆڕشی گوڵان کردووە و لە بەتالیۆنی شەهید ئەبوبەکر بانی بنۆکی سەربە هێزی سورێنی پارتی دیموکراتی کوردستان بۆتە پێشمەرگە.
ساڵى ١٩٨١ بەشدارى چالاکی پارتیزانى لێدانى بنکەى کارەباى سەید سادق و بنکەی پۆلیسی خورماڵى کردووە.
ساڵی ١٩٨١ ئەکرەم باڵابەرز و دەستەیەک هاوسەنگەری پلانیان داناوە بۆ ئەنجامدانى چالاکییەکى پارتیزانى، بۆیە لە چیای سورێنەوە ویستوویانە بچنە گوندی شانێری دەشتی شارەزوور بەمەبەستی دانانی بۆسە بۆ جاش و سەربازی ڕژیمی بەعس، بەڵام لە گوندی بانی بنۆک کەوتوونەتە بۆسەی سەربازی ڕژێمی بەعس و ئەکرەم باڵابەرز شەهید بووە، لە لایەن هاوسەنگەرانی تەرمەکەى دەگوازرێتەوە خاکی ئێران و لە دەڤەری سیاناوی سەر سنوور بە خاکیان سپاردووە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
