ژیاننامە
ئەلیاس مستەفا لاس حسێن لە ساڵی ١٩٥٧ لە گوندی گەرەوانی سەربە قەزای ڕەواندوز لە دایکبووە، دانیشتووی گوند بووە و سەرقاڵی کەسابەتی ناو بازاڕی ڕەواندوز بووە، ئاستی خوێندەواری سەرەتای بووە.
خەباتنامە
شەهید ئەلیاس مستەفا لە ساڵی ١٩٨٣ بۆتە پێشمەرگە لە بەتالیۆنی ١٢ی هێزی پێشمەرگەی کوردستان، کە لەوکاتەدا خاڵە سەید کاکە فەرماندی بەتالیۆن بووە.
لە ساڵی ١٩٨٤ لە دۆڵی ئاکۆیانی نزیک ڕەواندوز لە ڕووبەڕووبوونەوەی جاشی ڕژێمی بەعس بە سەختی بریندار بووە، بۆ چارەسەر کردنی برینەکەی ماوەی چوار مانگ ڕەوانەی وڵاتی ئێران کراوە.
لە ساڵی ١٩٨٦ لەگەڵ دەستەیەک لە هاوسەنگەرانی ڕووبەڕووی سەربازی ڕژێمی بەعس بوونەتەوە لە دەروازەی ڕواندز، لە ئەنجامدا ئەلیاس مستەفا و هاوسەنگەرێکی بەناوی سەباحە ڕەش شەهید بوونە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
