ئیبراهیم توفیق ئەحمەد، ساڵی ١٩٧١ لە گوندی نەوێی سەربە ناحیەی خورماڵ لە دایکبووە، دانیشتووی کۆمەڵگای زۆرە ملێی باریکەی نزیک سەیدسادق بووە و تا پۆلی دووەمی ناوەندی خوێندووه، لە ساڵی ١٩٨٨ ئیبراهیم توفیق ئەحمەد دوای ئەنجامدانی چالاکییەک لە سەیدسادق لەلایەن ئەمنی شاری سلێمانی و ئەمنی سەیدسادقەوە ماڵەکەیان لە باریکە سوتێندراوە و باوکی و برایەکی بەناوی محەمەد بۆ ماوەی یەک ساڵ و شەش مانگ زیندانی سیاسی بوونە لە ئەمنە سورەکەی سلێمانی و باوکی لەژێر ئەشکەنجەدا هەردوو چاوی لە دەستداوە.
ساڵی ١٩٨٠ پەیوەندی بە لێژنە ناوچەی پێنجوێنی سەربە لقی چواری پارتی دیموکراتی کوردستان دروست کردووە. ساڵی ١٩٨٤ بۆتە پێشمەرگە لە مەفرەزەی عەبدوڵای سەید مارف کە سەربە باڵی سەربازی ناوچەی پێنجوێن بووە، بەشداری چهندین شهڕی كردووه لهوانه، ساڵی ١٩٨٦ شەڕی ئەحمەد ئاوا، ساڵی ١٩٨٧ شەڕی قەرەداغ، ساڵی ١٩٨٨ داستانی خواکورک، چالاکییە پارتیزانییەکانی دەشتی شارەزوور و شاری هەڵەبجە کردووە.
ساڵی ١٩٨٧ لە شەڕی قەرەداغ کە ڕووبەڕوو بوونەوە بوو لەگەڵ جاش و سەربازی ڕژێمی بەعس فیشەکی بەرکەوتووە و بریندار بووە، ساڵی ١٩٨٨ و بۆ دووەم جار لە داستانی خواکورک فیشەکی بەرکەوتووە و بریندار بووە.
ساڵی١٩٩١ بەشداری ڕاپەڕینە جەماوەرییەکەی خەڵکی کوردستان کردووە وەک ئازادکردنی شاری هەڵەبجە، قەزای سەیدسادق، ناحیەی ناڵپارێز، ناحیەی عەربەت، شاری سلێمانی، شاری کەرکووک.
لە ٢٠ی ئاداری ١٩٩١ لە ئازادکردنی شاری کەرکووک و لەناو بارەگای ئەمنی بەعس شەهید بووە.
سەرچاوە:
ئەرشیفی دەستەی ئینسکلۆپیدیای پارتی دیموکراتی کوردستان
