ئامینە خالید ئەمین مامەند، ساڵى ١٩٥٧ لە شاری قەلادزێی پارێزگاى سلێمانى لەدایک بووە، خێزاندار و خاوەنى دوو کوڕ و دوو کچ بووە، ساڵى ١٩٧٥ دواى نسکۆى شۆڕشی ئەیلوول ئاوارەى وڵاتى ئێران بووە و لە ئۆردوگاى سەراوگەرم نیشتەجێ بووە، دواتر لەلایەن حکومەتى ئێران گوازراوەتەوە بۆ شارى کەرەج، ساڵى ١٩٧٦ وەک پەنابەری سیاسى چۆتە وڵاتى ئەڵمانیا و لەوێشەوە چۆتە وڵاتى ئەمریکا و لەوێ نیشتەجێ بووە.
ساڵى ١٩٦٤ پەیوەندى بە ڕیزەکانى پارتى دیموکراتى کوردستان کردووە، بۆتە بەرپرسی لێژنە ناوچەى پشدەرى پارتی دیموکراتى کورستان. ساڵى ١٩٧٦ دواى گەیشتنیان بۆ ئەمریکا، هەوڵى چالاککردنەوەى ئۆرگانەکانى پارتیان لە شارى ساندیاگۆى ئەمریکا داوە.
ساڵى ١٩٧٧ بە ئامادەبوونى سەرۆک مستەفا بارزانى نەمر و سەرۆک مەسعود بارزانى ئامادەى کۆنفرانسێک بووە بۆ ئەندامانى پارتی دیموکراتى کوردستان لە ویلایەتى ڤەرجینیا لە ناوچەى واشنتن دی سی، دەستەى نووسەرانى گۆڤارى زاگرۆس بووە لە ئەمریکا. ساڵى ١٩٩٢ بۆتە ئەندامى لێژنە ناوچەى پارتى لە واشنتۆن، ساڵى ١٩٩٨ بۆتە بەرپرسی لێژنە ڕێکخراوى واشنتۆن.
لە ١٣ى تشرینى یەکەمى ١٩٩٩ لە کۆنگرەى ١٢یەمى پارتى دیموکراتى کوردستان، بە هۆى ئەو خزمەتانەى کە پێشکێشى کردوون، لەلایەن سەرۆک مەسعود بارزانى میدالیاى بارزانى پێ بەخشراوە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
