ژیاننامە
سالا ١٩٦٣ ل گوندێ باکوزێ ل ناحيا زاويتەیا پارێزگەها دهۆک هاتيیە سەر دنيايێ، ژبنەمالەکا کوردپەروەر وخودان شەهیدن کو ٢١ ئەندامێن مالباتا وی شەهیدبووینە وەک باب، مام وپسمام، خێزانا وی ژبەر هەلویستێن وان یێن نەتەوایەتی ل زاڵگەها ئالوکا دایک، باب وخۆشکێن وی ژ ئالیێ رژێما بەعس هاتینە زیندانیکرن. ل ٢٦ێ تشرینا ئێکێ یا ٢٠١٧ وەکو فەرماندە و بەرپرسێ لقا حەڤدەیا پارتی دیموکراتی کوردستان بەشدارێ شەڕی بەرگری ژ ئاخا کوردستانێ بوویە و ل داستان بناڤودەنگا سحێلادا ل گوندێ کانی عەوێز (عەین عویز) ل محوەرێ زۆمار شەهید بوویە.
خەباتنامە
هەر ژدەستپێکا لاوینیا خۆ دا و دژیێ ١٧ ساڵیێ دا ل ساڵا ١٩٨٠ گەهشتە رێزێن پارتی دیموکراتی کوردستان وهەمان ساڵ دا پەيوەندى ب شورەشا گولانڤە كريیه دگەل سادق گەلناسكى ل سنورێ لژنا ناوچا دهۆك، ژبەر زيرەكى وچالاكى وقارەمانیيا وى ل سالا ١٩٨٤ دبيته فەرماندەیی دەستەیەکا چەکداریا پێشمەرگە (ئامر مەفرەزە)، سالا ١٩٨٦ دبيته جێگرێ ڕێكخڕاوا كۆماته سه ر ب لژنا ناوچا دهۆك ڤه، ل ساڵا ١٩٨٧ ێ دبيته جێگرێ ڕێكخراوا لەشكەرى سەر ب لژنا ناوچا دهوك هەتا ئەنفالێت ڕەش، ل ساڵا ١٩٨٨ دەربەدەری وەڵاتێ توركيا بوویە بەلێ ئامادە نەبوویە چەکێ دەستێ خۆ رادەستی هێزێن جەندرمە و سوپایێ تورکیا بکەت لەوما ب چەکڤە چوویە ناڤا ئاخا باکوورێ کوردستانێ (وەڵاتێ تورکیا) و ژ لایێ هێزێن لەشکەریێن تورکیا هاتییە گرتن و بۆ ماوەیەکێ زێندانکرن و پاشان هاتیە ئازاد کرن و چوویە رۆژهەڵاتا کوردستانێ (ئيرانێ) و دیسان ئاوارە بوويه، ل ساڵا ١٩٩١ێ دگەل سەرهلدانا گەلێ كوردستانئ ڤەدگەریتەڤە كوردستانێ و وەك بەرپرسێ رێكخڕاوا لەشكەرى وئەندامێ ميحوەرێ دهۆك دەست ب کار دبیت، ل ساڵا ١٩٩٣ دبيته ئەندامێ (لژنا ناوچا دهوك)ێ، ل ساڵا ١٩٩٤ دبيته بەرپرسێ لەشكەرى يێ لژنا ناوچا سێميلێ، ل ساڵا ١٩٩٥ دبيته كارگێرێ لقا نەه ل ئاکرێ، و ل ساڵا ١٩٩٧ دبيته بەرپرسێ لژنا ناوچا برایەتی ل مانگێشكێ، ل ساڵا ٢٠٠١ دبيته بەرپرسێ لژنا ناوچا ئاميدىێ ودهەمانساڵ دا دهێته ڤەگوهاستن بۆ بەرپرسیارەتیا سوپایێ چاردە (١٤)ێ ل سنورێ هيزاوا سەر ب قەزایا زاخۆ، ل ساڵا ٢٠٠٤ دبيته بەرپرسێ سوپایێ دوو ل چیایێ سكرينێ، ل ساڵا ٢٠٠٦ دبيته فەرماندێ فەرماندەییا سەفين ل پيرمام، ل ساڵا ٢٠١٤ێ دبيته بەرپرسێ میحوەرێ بەنداڤا موسڵ ڕولەکێ کاریگەر د شەرێ دژی تیڕورستێن داعش دبینت، ل ساڵا ( ٢٠١٥ تا رۆژا شەهیدبوونا وی ل ٢٦ێ تشرینا ئێکێ یا ٢٠١٧) بەرپرسێ لقا حەڤەدە (١٧) يا پارتى ديموکراتى كوردستان ل شنگالێ بوو. شەهیدێ سەرکردە وفەرماندە وحيد باكوزى پشكدارى دهژمارەکا زۆرا داستانان دا كریيه، ل ساڵا ١٩٨١ ل سەرێ چیایێ دهۆکێ بریندار بوویە، ل ساڵا ١٩٨٢ ل گوندێ شاوريكێ بريندار بوويه ودهەمانساڵ دا ل گوندێ قەشەفرێ بريندار بوويه ول ساڵا (١٩٨٦) ل شەرێ (مانگێشك)ێ بریندار بوویە ول ساڵا ١٩٨٧ ل گرێ گەرماڤا برینداربوویە. ٢٦ێ تشرینا ئێکێ یا ٢٠١٧ ل شەڕەكێ سەخت ودژوار دا ژبۆ بەرەڤانى كرن ژئاخا پيروزا كوردستانێ وئەزموونا هەرێمێ وەک فەرماندییەکێ پێشمەرگەی بەژداری دوی شەڕی دا دکەت کو ب داستانا سحێلا ناڤدارە ل دژى هێزێن هێرشکارێن لەشكەرێ عيراقێ وحەشدا شەعبى بە هاوکارییا سوپایێ پاسدارێت ئيرانێ ل گوندێ کانی عویز (عين عويز) ل میحوەرێ زۆمار ل باکورێ رۆژئاڤایێ مووسلێ ل ٢٦ێ تشرینا ئێکێ یا ٢٠١٧ فەرماندە وەحید باکوزی شەهید دبیت. د ڕێوڕەسمەکێ هەژیدا ل ١٦ تەباخا ٢٠١٨ جەنابێ سەروک مەسعود بارزانی میدالیا بارزانی ب کورێ شەهیدێ فەرماندە هوشەنگ وەحید باکوزی هاتە بەخشین ژبەر وێرەکی وقارەمانی ودلسوزیا شەهید وەحید باکوزی وخێزانا وی بۆ رێبازا پیرۆزا بارزانی وئاخا پیرۆزا کوردستانێ.
ژێدەر:
١- ئەرشیفا دەستەیا ئینسکلۆپیدیایا پارتی دیموکراتی کوردستان.
