نەعمان حەمە ئەحمەد لە ساڵی ١٩٧٠ لە گوندی کانیسکانی سەربە ناحیەی خورماڵی پارێزگای هەڵەبجە لە دایکبووە، لە ساڵی ١٩٧٨ ڕاگواستی کۆمەڵگای زۆرە ملێی شانێری کراون و ئهوكات قوتابی قۆناغی ناوەندی بووە.
ساڵی ١٩٨٣ پەیوەندی بە ڕێکخستنەکانی لێژنەی ناوچەی دەربەندیخانی سەربە لقی چواری پارتی دیموکراتی کوردستان کردووە، ساڵی ١٩٨٤ چەکی هەڵگرتووە و لە هێزی سورێنی لێژنەی ناوچەی دەربەندیخانی سەربە لقی چواری پارتی دیموکراتی کوردستان بۆتە پێشمەرگە.
بەشداری شەڕی گوندی ڕیشێن، شەڕی قەرەداغ، شەڕی ئەحمەدئاوا، شەڕی ملە قۆنەرە، شەڕی چیای نەوێ، چالاکییە پارتیزانییەکانی دەشتی شارەزوور کردووە.
ساڵی ١٩٨٧ لە کلکەی ۆڵەسمت لە چیای نەوێ، لەگەڵ هاوسەنگەرێکی بەناوی محەمەد حەمەنەوێی کەوتوونەتە بۆسەی هیزێكی یهكێتی و زۆر بە سەختی بریندار بوونە، ساڵی ١٩٨٨ لە چیای قەرەداغ لەگەڵ چەند هاوسەنگەرێکی بەرکەوتەی چەکی کیمیایی بوونە.
ساڵی ١٩٨٨ بۆ چالاکییەکی پاتیزانی گەڕاوەتەوە نزیک سەیدسادق و لە کومەڵگای زۆرەملێی باریکە کەوتۆتە بۆسەی سەربازی ئەمنی عەربەت و دەستگیر کراوە، لە ساتی دەستگیر کردنیەوە تا ئێستاش هیچ سۆراغێکی نیە و بێ سەروشوێنە، یەکێکە لەو شەهیدانەی کە گۆڕی نادیارە.
سەرچاوە:
ئەرشیفی دەستەی ئینسکلۆپیدیای پارتی دیموکراتی کوردستان
