نەسرەدین حەمەکاکی مەولود سەلام

نەسرەدین حەمەکاکی، ساڵی ١٩٤٩ لە پارێزگاى سلێمانی لە دایکبووە، ساڵی ١٩٧٨ پەیوەندی بە هێزى پێشمەرگەى شۆڕشی گوڵان کردووە، لە شۆڕشی گوڵاندا بەشداری چالاکییە پارتیزانیەکانی دەشتی کویە و چواردەوری قەزای دووکان و چواردەوری بازیان و تەکیە کردووە. لە ٢ی تشرینی یەکەمی ١٩٨٢ شەهید بووە.


شەهید نەسرەدین حەمەکاکی، ساڵی ١٩٤٩ لە گوندی کانی چناری سەربە ناحیەی پیرەمەگرونی سەربە قەزای دووکان پارێزگاى سلێمانی لە دایکبووە، گوندنشین و سەرقاڵی کاری جوتیاری و ئاژەڵداری بووە، تا قۆناغى سەرەتایی خویندووە، خێزاندار و خاوەنی شەش کوڕ و دوو کچ بووە، کوڕێکی بە ناوی نازم لە ڕاپەڕینە جەماوەرییەکەی خەڵکی کوردستان لە ساڵی ١٩٩١ شەهید بووە. 

ساڵی ١٩٧٨ پەیوەندی بە هێزى پێشمەرگەى شۆڕشی گوڵان کردووە و بۆتە پێشمەرگە لەلای عەبدوڵا ئاغا لە هێزی ڕزگای پارتی دیموکراتی کوردستان، ئەوکات بارەگایان لە غەمزەی ڕۆژهەڵاتی کوردستان بووە. لە شۆڕشی گوڵاندا بەشداری چالاکییە پارتیزانیەکانی دەشتی کویە و چواردەوری قەزای دووکان و چواردەوری بازیان و تەکیە کردووە. 

لە ٢ی تشرینی یەکەمی ١٩٨٢ نەسرەدین حەمەکاکی و دەستەیەک هاوسەنگەری کە پێکهاتبوون لە حەوت پێشمەرگە لە ڕۆژهەڵاتەوە بۆ ئەنجامدانی چالاکییەکی پارتیزانی چونەتە دەڤەری دووکان، دوای ئەنجامدانى ئەرکەکەیان لە گەڕانەوەدا لە سەر پردی چەرمەگای نزیک ناحیەی پیرەمەگرون، کەوتوونەتە بۆسەی سەربازانی سوپاى عێراق و نەسرەدین حەمەکاکی و پێنج هاوسەنگەری بەناوەکانی شەهید عومەر ئەحمەد سەمین، شەهید سدیق ئەحمەد، شەهید عوسمان حەمە خورشید، شەهید شەریف کەنەکەوی، شەهید لەتیف کەنەکەوی شەهید بوونە، هەروەها هاوسەنگەرێکیان بە ناوی حەمە دارتووی توانیویەتی لە بۆسەکەدا بە برینداری خۆی دەرباز بکات. 


سەرچاوە:

١- ئەرشیفی دەستەى ئینسکلۆپیدیاى پارتى دیموکراتى کوردستان.


بابەتی پەیوەندیدار

کەریم ئەحمەد قادر ڕەزا

کەریم ئەحمەد قادر، ساڵی ١٩١٠ لە پارێزگاى سلێمانى لە دایکبووە، کەریم ئەحمەد، ساڵی ١٩٦٨ پەیوەندی بە هێزى پێشمەرگەى شۆڕشی ئەیلوول کردووە، ساڵی ١٩٧٤ لە شەڕی قازانی نزیک ناحیەی پیرەمەگرون شەهید بووە.

زانیاری زیاتر

محەمەد عەلی حسێن عەلی

محەمەد عەلی حسێن ناسراو بە (حەمە چاڵاوی)، ساڵی ١٩٣٩ لە پارێزگای سلێمانی لە دایکبووە، ساڵی ١٩٦١ پەیوەندی بە هێزى پێشمەرگەى شۆڕشی ئەیلوول کردووە، لە ٢٤ی ئایاری ١٩٦٢ شەهید بووە.

زانیاری زیاتر

کاکل ساڵح محەمەد عەبدوڵڵا

کاکل ساڵح محەمەد عەبدوڵڵا، ساڵی ١٩٤٥ لە پارێزگای سلێمانی لە دایکبووە، کاکل ساڵح لە ساڵی ١٩٦٣ پەیوەندى بە هێزى پێشمەرگەی شۆڕشی ئەیلوول کردووە، ساڵی ١٩٦٥ لە شەڕی ڕاوەدوونانی سەرباز و جاشە کۆڵوانە سورەکان لە دەشتی کۆیە بریندار بووە، ساڵی ١٩٦٧ شەهید بووە.

زانیاری زیاتر