شەهید مستەفا ڕەسوڵ مەحمود ئیسماعیل لە ساڵی ١٩٥١ لە گوندی مەرانی سەربە قەزای چۆمان پارێزگاى هەولێر لە دایکبووە، گوندنشین بووە و سەرقاڵی کاری جوتیاری گوند بووە، تا قۆناغى سەرەتایی خوێندووە، خێزاندار بووە و خاوەنی یەک کچ بووە.
ساڵى ١٩٦٩ پەیوەندی بە هێزی پێشمەرگەى شۆڕشى ئەیلوول کردووە و لە مەفرەزەی نەجمەدین گۆڕۆنی کە سەربە هێزی باڵەکی پارتی دیموکراتی کوردستان بووە بۆتە پێشمەرگە. ساڵی ١٩٧٤ دەگوازرێتەوە لقی دووی بەتالیۆنی چواری هێزی باڵەک، کە لەوکاتەدا مەجید بەگ سەرلقی بووە و عیزەت سلێمان بەگ فەرماندەی بەتالیۆن بووە. لە ساڵی ١٩٧٤ بەشداری لە شەڕەکانی چیای کۆڕەک، گەروی عومەر ئاغا، چیای هەندرین هەتا گوندی بەرسیرین کردووە.
لە ١٥ی شوباتی ١٩٧٤ دوای تێکشکانی هێرشی سەربازی ڕژێمی ئەوکاتی عێراق بۆسەر سەنگەری بەرگری هێزی پێشمەرگە لە گوندی بەرسیرینی دەڤەری باڵەکایەتی، فڕۆکەی ڕژێم بە چڕی بۆمبارانی سەنگەری پێشمەرگەی کردووە و مستەفا ڕەسوڵ شەهید بووە و لەلایەن هاوسەنگەرانی تەرمەکەى گوازراوەتەوە گوندی مەران و لەوێ بە خاکیان سپاردووە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
