محەمەد ئەمین مەحمود، ساڵی ١٩٥٣ لە گوندی کانی وەیسکێی سەربە ناحیەی بەمۆی پارێزگای هەڵەبجە لە دایکبووە، گوندنشین بووە و سەرقاڵی کاری جوتیاری بووە، تاقۆناغی سەرەتایی خوێندووە. خێزاندار بووە و خێزانی ناوی ڕەعنا محەمەد بووە و خاوەنی چوار کوڕ و سێ کچ بووە بەناوەکانی غەفور، عەتا، عەدنان، عادل، سەرگوڵ، ئەختەر، ڕۆشنا.
ساڵی ١٩٨٦ بۆتە کادری ڕێکخستنە نهێنیهكانی پارتی دیموکراتی کوردستان، پەیوەندی لەگەڵ حەسەن زەمەقی ئەندامی هێزی سیروانی پارتی دیموکراتی کوردستان هەبووە، ساڵی ١٩٩١ لە ڕاپەڕینە جەماوەرییەکەی خەڵکی کوردستان چەکی هەڵگرتووە و بۆتە پێشمەرگە لە هێزی سیروان، دەربەندیخان، عەربەت، هەڵەبجە، کەلار، باوەنور، خانەقین کردووە.
ساڵی ١٩٩١ لە نێوان خانەقین و جەلەولا، محەمەد ئەمین مەحمود و هاوسەنگەرانی کەوتوونەتە بۆسەی سوپای ڕژێمی بەعس و شههید محەمەد بریندار بووە، دواتر لەلایەن سەربازەکانەوە براوە و تا ئێستاش هیچ سۆراغێکی نیە و بێ سەروشوێنە، هاوکات لەو بۆسەیەدا چەند هاوسەنگەرێکی شەهید بوونە بە ناوەکانی عەبدوڵا سۆفی، محەمەد عەلی محەمەد، مام عەمین، کاکە ڕۆستەم، ناسیح گڵەجاڵی، حەمەئەمین شەریف، عەزیم دەروێش، حەمەی عسمەت.
سهرچاوه:
ئهرشیفی دهستهی ئینسكلۆپیدیای پارتی دیموكراتی كوردستان.
