محەمەد عەبدوڵا ئەحمەد، ساڵی ١٩٤٠ لە گوندی ئەحمەدبەگی دەڤەری شەمێرانی سەربە قەزای دەربەندیخان لە دایکبووە، گوندنشین بووە و سەرقاڵی کاری جوتیاری بووە، تاقۆناغی سهرهتایی خویندوویهتی، خێزاندار بووە و خێزانی ناوی عایشە کەریم بووە و خاوەنی یەک کوڕ بووە بە ناوی جەلال کە لە ئەنجامی تۆپبارانی تۆپخانەکانی ڕژێمی بەعس بۆ ناو شاری هەڵەبجە ساڵی ١٩٨٨ شەهید بووە.
ساڵی ١٩٧٠ بۆتە پێشمەرگە لە هێزی شەمێران، کە هێزێکی سەربەخۆ بووە و لە ژێر فەرمانی هێزی خەباتی پارتی دیموکراتی کوردستان بووە، هەروەها شەهید حەمە شەمێرانی فەرماندەی هێزەکە بووە، بەشداری شەڕی سەرتیز، شەڕی حاجی ئۆمەران، شەڕی هەڵەبجە، شەڕی دەربەندیخان، شەڕی چیای زمناکۆی کردووە.
ساڵی ١٩٧٤ محەمەد عەبدوڵا ئەحمەد لە سەنگەری بەرگری هێزی پێشمەرگە لە ملەی سوری چیای سورێن، بەرامبەر بە هێرشی هاوبەشی شۆعییەکان و سەربازی ڕژێمی ئەوکاتی عێراق بەرگری کردووە و شەهید بووە.
سەرچاوە:
ئەرشیفی دەستەی ئینسکلۆپیدیای پارتی دیموکراتی کوردستان
