شەهید محەمەد حەمەغالب سەعید محەمەد، ساڵى ١٩٦٩ لە گوندی شەشکی سەربەناحیەى خورماڵى پارێزگاى سلێمانى لەدایک بووە، دەرچووی قۆناغى سەرەتایی بووە، خێزاندار بووە و خاوەنى دوو کوڕ و دوو کچ بووە.
ساڵی ١٩٨٥ پەیوەندى بە هێزى پێشمەرگەى شۆڕشى گوڵان کردووە، لە لێژنە ناوچەى هەڵەبجەى سەر بەلقی چوارى پارتی دیموکراتى کوردستان بۆتە پێشمەرگە.
ساڵى ١٩٨٨ بەشدارى داستانى خواکوڕکى کردووە لە ناحیەى سیدەکان، لەیەکێک لە هێرشەکانى سوپاى عێراق بۆسەر هێزى پێشمەرگە شەهید بووە و هەر لەوێ لە چیاى خواکوڕک بەخاک سپێردراوە.
سەرچاوە:
ئەرشیفی دەستەی ئینسکلۆپیدیای پارتی دیموکراتی کوردستان.
