شەهید مامند غەزالی ئێدلبى، ساڵی ١٩٣٩ لە گوندی ئێدلبى سەربە ناحیەی شێروان مەزن قەزای مێرگەسۆر پارێزگای هەولێر لە دایک بووە، خێزاندار بووە. ساڵی ١٩٨٣ ئاوارەی سەر سنوری وڵاتی تورکیا بووە، دواتر ئاوارەی وڵاتی ئێران بووە و لە ئۆردوگای زێوە نێشتەجی بووە. سالى ١٩٩٢ دواى ڕاپەڕینى جەماوەرى باشوورى کوردستان گەڕاوەتەوە کوردستان.
ساڵی ١٩٦١ پەیوەندى بە هێزى پێشمەرگەى شۆڕشی ئەیلوول کردووە و بۆتە پێشمەرگە و بەشدارى شەڕەکانى کردووە. ساڵى ١٩٧٦ پەیوەندى بە هێزى پێشمەرگەى شۆڕشی گوڵان کردووە و بۆتە پێشمەرگە. ساڵى ١٩٧٩ پەیوەندى بە ڕێکخستنەکانى پارتى دیموکراتى کوردستان کردووە. ساڵى ١٩٩١ بەشدارى ڕاپەڕینى کوردستانى کردووە. ساڵى ١٩٩٢ پەیوەندى بە هیزی پێشمەرگەى کوردستان کردووە و لە لیواى ١٠٣ى فەوجى ٣ى سوپاى بارزان بۆتە پێشمەرگە. لە ٢٨ى ئابى ١٩٩٥ لە هێڕشى چەکدارانی پەکەکە بۆ سەر هێزی پێشمەرگە لە گوندى لێڕی ناحیەی شێروان مەزن بریندار بووە و لە ١٢ى ئەیلوولى ١٩٩٥ شەهید بووە و لە گۆڕستانى بارزانیان لە شارى سۆران بەخاک سپێردراوە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
