ژیاننامە
شه‌هید قادر حەمەدئەمین عەبدولڕەحمان مەلا، لە ساڵی ١٩٤٨ لە گوندی کانی مانگای سەربە قەزای پێنجوێن لە دایکبووە، تاقۆناغی سه‌ره‌تایی خوێندوویه‌تی، گوندنشین بووه و سه‌رقاڵی كاری جوتیاری بووه، خێزاندار بووه خێزانه‌‌كه‌ی ناوی نه‌رجیس عه‌بدوڵڕه‌حمان بووه، خاوه‌نی كوڕێك و سێ كچ بووه به‌ناوه‌كانی محەمەد، مه‌عسومه، ئامینه و فاتیمه.
خەباتنامه
شه‌هید قادر حەمەئەمین، ساڵی ١٩٦١ بۆتە پێشمەرگە لەلای رەیس عورەفا شەریف کە ناسراوە بە شەریفی مەلا سه‌ر به پارتی دیموكراتی كوردستان، ساڵی ١٩٦٣ شه‌ریفی مه‌لا بۆته فه‌رمانده‌ی به‌تالیۆنی ١٠ی سه‌ربه‌هێزی خه‌بات به فه‌رمانده‌یی عەبدولوەهاب ئەتروشی.
ساڵی ١٩٦٥ قادر حەمەئەمین و دوو هاوسەنگەری بە مۆڵەتێکی چەند ڕۆژە ده‌گه‌ڕێنه‌وه بۆ ماڵه‌وه‌یان، به‌ڵام لە ڕێگا لە پشت ناحیەی ناڵپاڕێز فرۆکەی ڕژێم بۆمبارانیان دەکات و قادر حەمەئەمین شەهید بووە، هاوسەنگەرانی جەستەکەی دەبەنەوە گوندی کانی مانگاو لەوێ بەخاکی دەسپێرن.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
