فوئاد حسێن لەساڵى ١٩٦٦پەیوەندی بە پارتی دیموکراتی کوردستان و یەکێتیی قوتابیانی کوردستان کردووە. ساڵى ١٩٧٥ دوای نسکۆى شۆڕشی ئەیلوول، دەچێتە ھۆڵەندا و لەوێ پەیوەندى بە ڕیزەکانى یەکێتیی نیشتمانی کوردستان دەکات و ھاوکات دەبێتە سکرتێری کۆمەڵەی خوێندکارانی کوردستان لە دەرەوەی کوردستان، تا ساڵى ١٩٨٤ لە ڕیزەکانى ئەو حزبە دەمێنێتەوە.
دوای روخاندنی ڕژێمی بەعس لە عێراق، ساڵی ٢٠٠٣ لە لایەن هێزی داگیرکەری عێراق( هاوپەیمانان) وەکو سەرپەرشتی پەروەردەیی لە وەزارتی پەروەردەی عێراق دەستبەکار بووە و کاری لە پێشنەیی بەگەڕخستنەوەی سیستەمی پەروەردە و خوێندن و گۆڕینی پرۆگرامی خوێندن بوو، لەماوەی ١٤ی حوزەیرانی ٢٠٠٥ تاکو ١ی تشرینی دووەمی ٢٠١٨، لە سەردەمی سەرۆکایەتی سەرۆک مەسعود بارزانی، سەرۆکی دیوانی سەرۆکایەتی ھەرێمی کوردستان بووە، ٢٣ی ئەیلوولی ٢٠٠١٨ کاندیدی پارتی دیموکراتی کوردستان بووە بۆ وەرگرتنی پلەی سەرۆککۆماری عێراق، ٢٤ی تشرینی یەکەمی ٢٠١٨ بۆ ناوەڕاستی ٢٠٢٠، بووەتە وەزیرى دارایی عێراق لە کابینەی سەرۆکوەزیران عادل عەبدولمەھدی. دوای ھەڵوەشانەوەی کابینەکەی عەبدولمەھدی، لە کابینەى مستەفا کازمی کرایە وەزیری دەرەوەی، کۆتایی کانوونی دووەمی ٢٠٢٣ لە سەر پشکی پارتی دیموکراتی کوردستان و بە متمانەی پەرلەمانی عێراق، لە کابینەی محەمەد شیاع سودانی وەکو جێگری سەرۆکوەزیران و وەزیری دەرەوەی عێراق دەستبەکارە.
لە ٦ی تشرینى دووەمى ساڵى ٢٠٢٢ لە کۆنگرەی چواردەیەمی پارتی دیموکراتی کوردستان لە شاری دهۆک لەلایەن ئەندامانى کۆنگرە بە ئەندامى کۆمیتەى ناوەندى هەڵبژێردرا. لەیەکەم کۆبوونەوەى مەکتەبى سیاسى بە ئەندامى مەکتەبى سیاسى هەڵبژێردراوە، شارەزای زمانەکانی کوردی، عەرەبی، فارسی، ئینگلیزی و هوڵەندییە.
سەرچاوە:
١.ئەرشیفی دەستەی ئینسکلۆپیدیای پارتی دیموکراتی کوردستان.
