فاتیح ئەنوەر وادی لە ساڵی ١٩٤٨ لە گوندی حەساری سەربە ناحیەی شوانی پارێزگای کەرکووک لە دایکبووە، گوندنشین بووە و سەرقاڵی کاری جوتیاری و ئاژەڵداری بووە.
ساڵی ١٩٦٥ پەیوەندی بە شۆڕشی ئەیلوول دەکات و دەبێتە پێشمەرگە لە بەتالیۆنی دووی ئاخجەلەری سەربە هێزی ڕزگاری پارتی دیموکراتی کوردستان، بەفەرماندەیی حاجی شێخ قادر.
لە شۆڕشی ئەیلوول بەشدارى شەڕەکانى چەمچەماڵ، شەڕی شوان، شەڕی تەبە کوڕە کردووە.
ساڵی ١٩٦٨ فاتیح لەگەڵ چەند هاوسەنگەرێکی لە دەروازەی شاری چەمچەماڵ کەوتوونەتە بۆسەی سەربازی ئەوکاتی عێراق، دوای دروستبوونی ڕووبەڕووبوونەوە لە نێوانیان فاتیح شەهید بووە و هاوسەنگەرێکی بەناوی ئەحمەد عەلی بە سەختی بریندار بووە و هاوسەنگەرانی بە برینداری ئەحمەد عەلیان دەرباز کردووە، بەڵام تەرمی فاتیح بەجێ ماوە و کەوتۆتە دەست سەربازەکانی عێراق، دواتر لەلایەن سەربازانی ئەوکاتی عێراقەوە تەرمی فاتیحیان بە ئۆتۆمبێڵ ڕاکێشاوەتە ناو چەمچەماڵ، فاتیح ئەنوەر یەکێکە لەو شەهیدانەی کە گۆڕی نادیارە.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
