غەفور محەمەد ساڵح، ناسراو بووه به غەفور گڵەجاڵی، ساڵی ١٩٥٥ لە گوندی گڵەجاڵی سەربە ناحیەی بەمۆی پارێزگای هەڵەبجە لە دایکبووە، دانیشتووی شارەدێی زەڕایەن بووە و سەرقاڵی کەسابەتی ناو بازاری زەڕایەن بووە.
ساڵی ١٩٨٢ لە هێزی سیروانی پارتی دیموکراتی کوردستان، به‌فه‌رمانده‌یی جەلال لاوەرانی بۆته پێشمه‌رگه، لە ٣ی ئایاری ١٩٨٣ له‌گه‌ڵ دوو هاوسەنگەری بەناوەکانی سلێمان عەبدولڕەحمان تاگۆزی و فایەق عەلی غەفور، لە نزیک گوندی هۆکانی دەڤەری تاگۆزی سەربە شاری هەڵەبجە، کەوتوونەتە بۆسەی جاشی ڕژێمی بەعس بوونە، له ئه‌نجامدا ڕووبەڕوو بوونەوە دروست بووە و فایەق عەلی لە سەرەتادا شەهید بووە، غەفور گڵەجاڵییش گوله‌یه‌ك بەرقاچی کەوتووە و قاچی شکاوە، بە برینداری لە لایەن جاشەکانەوە دەستگیر کراوە و سەرۆکی جاشەکان بەدەستی خۆی سەری لە جەستەی جیاکردۆتەوە و شەهیدی كردووە، جەستەکەی بەبێ سەر بۆ خانەوادەکەی دەنێرێتەوە و سەرەکەشی دەفرۆشێتەوە بە ڕژێمی بەعس، هەروەها سلێمانی هاوسەنگەری بە برینداری ڕادەستی سەربازی ڕژێمی بەعس کراوە و دوای یەک ساڵ و سێ مانگ لە زیندانی بوون گوله باران کراوە و شه‌هید كراوه.
سەرچاوە:
- ئینسکلۆپیدیای پارتی دیموکراتی کوردستان.
