عەبدوڵا ئەحمەد ئەوڕەحمان، ساڵی ١٩٥٢ لە گوندی سەرشاتەی خوارووی دەڤەری تاگۆزی سەربە پارێزگای هەڵەبجە لە دایکبووە، گوندنشین بووە و سەرقاڵی کاری جوتیاری بووە.
ساڵی ١٩٧٦ بۆتە پێشمەرگە لەلای قادر حەمەساڵح تاگۆزی، کە لە شۆڕشی ئەیلوول سەرلقی چواری سەربە بەتالیۆنی شەشی بەمۆی هێزی خەباتی پارتی دیموکراتی کوردستان بووە، ساڵی ١٩٧٨ لە شەڕی بانی بۆڵان لهگهڵ سوپای عێراق بریندار بووە.
ساڵی ١٩٧٩ لە گوندی کانی ژەنانی دەڤەری تاگۆزی، ڕووبەڕووی هێزێکی زۆری سوپا و جاشی ڕژێمی ئەوکاتی عێراق بوونەتەوە، لە کاتی ڕووبەڕوو بوونەوەکە عەبدوڵا ئەحمەد و هاوسەنگەرێکی بەناوی حەمەڕەشید مەحەمەد دەستگیر کراون، گواستراونەتەوە بۆ گرتووخانەی شاری موسڵ، دوای سێ مانگ لە زیندانی لە سێدارە دراون و شەهید كراون. عەبدوڵا ئەحمەد یەکێکە لەو شەهیدانەی کە گۆڕی نادیارە.
سەرچاوە:
- ئینسکلۆپیدیای پارتی دیموکراتی کوردستان.
