عەوڵا ڕەش ڕوستایی ساڵى ١٩٦٩ لەتەمەنی گەنجێتیدا پەیوەندى بەهێزى پێشمەرگەى شۆڕشی ئەیلوول کردووە و لەهێزى باڵەک بۆتە پێشمەرگە. ساڵى ١٩٧٦ لەدەسپێکى هەڵگیرسانى شۆڕشی گوڵان ، پەیوەندى بە هێزى پێشمەرگە کردووەتەوە و لە لێژنە ناوچەى باڵەک وەک کارگێڕى ناوچە و باڵى سەربازى بەشێوەى مەفرەزى پارتیزانى لە دەڤەرى باڵەکایەتى ئەرکى بینیوە، بەشدارى چەندین شەڕى پارتیزانى کردووە لەوانە شەڕى کۆسپى سپى لە سەر ڕێگاى سۆران و حاجى ئۆمەران، شەڕى گۆڕێ نێتوێ لە ناحیەى سمیلان سەربەقەزاى چۆمانى پارێزگاى هەولێر. ساڵى ١٩٩٤ لە شەڕى بەرگریکردن لەسەروەرى یاسا لە گوندى جویزانى ناحیەى گەڵاڵەى قەزاى چۆمان لەگەڵ چەکدارانی پەکەکە بەسەختى بریندار بووە، تا دواجار لە شەوى ٩ی حوزەیرانى ١٩٩٩ لە کاتی بەرگری کردن لە قەوارەی هەرێمی کوردستان بە دەستی چەکدارانی پەکەکە شەهید کراوە.
سەرچاوە:
١.ئەرشیفى دەستەى ئینسکلۆپیدیاى پارتى دیموکراتى کوردستان.
