ژیاننامە
عومەر سابیر سەعید محەمەد، ناسراوە بە عومەری حاجی سابیر، ساڵی ١٩٦٧ لە گوندی ئاوایی ڕۆستەم بەگی سەر بە ناحیەی خورماڵ لە دایکبووە، گوندنشین بووە و سەرقاڵی کاری جوتیاری گوند بووە، تا قۆناغی سه‌ره‌تایی خوێندوویه‌تی، ساڵی ١٩٨١ شەهید بووە.
خەباتنامە
شەهید عومەر سابیر، ساڵی ١٩٨١ بۆتە پێشمەرگە لە مەفرەزەی ئەکرەم دێکۆنی، کە سەر بە هێزی هەورامانی پارتی دیموکراتی کوردستان بووە، ساڵی ١٩٨١ به‌ژداری شەڕی شەرام و شەڕی ڕەزڵە و پاڕەزانی کردووە.
لە ١٦ی ئەیلوولی ١٩٨١ لە شەڕی ڕەزڵە و پاڕەزان لە نزیک ناحیەی ناڵپارێزی سەربە قەزای پێنجوێن، کاتێك هێرشی جه‌ماعه‌تی یه‌كێتی بە هەماهەنگی سوپای ڕژێمی بەعس بۆ سەر سەنگەری هێزی پێشمەرگە بوو، عومەر سابیر سەعید فیشەکی بەرکەوتووە و شەهید بووە، هەروەها لەگەڵ ئەودا چەند هاوسەنگەرێکی بەناوەکانی ئاوات زەڵمی، عەزیز هێڵامپێی، فازڵ حەمەکەریم ڕەحمان، عەبدولڕەحمان بەشارەتی، حەمەشەریف فەتاح مستەفا، ئەبوبەکر عەبدوڵا حەمەسەعید و نامیق لەو سەنگەرەدا شەهید بوون.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
