عومەر تەها مەحمود، ساڵى ١٩٥٥ لە گوندى شیڤێی سەر بە مزوورى باڵاى قەزاى مێرگەسۆرى پارێزگاى هەولێر لەدایک بووە، خاوەنى دوو کوڕ و سێ کچە، ساڵى ١٩٧٥ دواى نسکۆى شۆڕشی ئەیلوول ئاوارەى وڵاتى ئێران دەبێت و لە ئۆردوگاى زێوەى نیشتەجێ دەبێت، پاشان دەگوازرێتەوە بۆ شارى کرمان لەناوەڕاستى وڵاتى ئێران. ساڵى ١٩٩١ دواى ڕاپەڕینى خەڵکى باشوورى کوردستان، خانەوادەکەى دەگەڕێنەوە و لە شارى سۆران نیشتەجێ دەبێت.
ساڵى ١٩٧٢ پەیوەندى بە هێزى پێشمەرگەى کوردستان دەکات و دەبێتە پێشمەرگە، تا نسکۆى شۆڕشی ئەیلوول لە پێشمەرگایەتى بەردەوام دەبێت، ساڵى ١٩٧٩ پاش هەڵگیرسانى شۆڕشی گوڵان دووبارە پەیوەندى بەهێزى پێشمەرگەى کوردستان دەکاتەوە و لەگەڵ فەرماندە عەلى خەلیل سێلکى دەبێتە پێشمەرگە، وێڕاى ئەرکى پێشمەرگایەتى، ئەرکى ڕێکخستنى حزبیش لە ئەستۆ دەگرێت.
لە ٢٦ى تشرینى دووەمى ١٩٨٣ لە شارى شنۆى ڕۆژهەڵاتى کوردستان شەهید دەکرێت.
سەرچاوە:
١.ئەرشیفى دەستەى ئینسکلۆپیدیاى پارتى دیموکراتى کوردستان.
