ژیاننامە
عوسمان حەمەد وەسمان ئۆمەر، لە ساڵی ١٩٦٣ لە گوندی باویانی سەربە ناحیەی باسرمە لە دایکبووە، گوندنشین بووە و سەرقاڵی کاری جووتیاری بووە، ئاستی خوێندەواری سەرەتایی بووە، دایکی عوسمان حەمەد ناوی ئایش برایمە و خاوەن چوار برا بە ناوەکانی نەجمەدین، ئیبراهیم، جەلال و شەمسەدین و سێ خوشکە بە ناوەکانی گوڵخاتر، حەیات و خاتون. لە ساڵی ١٩٨٥ شەهید بووە.
خەباتنامە
عوسمان حەمەد وەسمان ئۆمەر لە ساڵی ١٩٨٢ پەیوەندی بە وەستا یونس کردووە و بووتە پێشمەرگە، لە ساڵی ١٩٨٣ پلەی ئەندامی ڕێکخراو لە لێژنە ناوچەی شەقڵاوەی سەربە لقی دووی پارتی وەرگرتووە، لە ساڵی ١٩٨٥ بۆ پشوویەکی چەند ڕۆژە دەگەڕێتەوە گوندی باویان و ئاشکرا دەبێت و هێزێکی جەلالی بە فەرماندیی سدیق حەمەزیاد چواردەورەی ماڵیان دەگیرێت و ڕووبەڕووی دەبنەوە، دوای بەرگرییەکی یەک کاتژمێری دواجار بە چەکی ئارپیجی لە ماڵیان دەدرێت و برایەکی کە پلەی بەرپرسی شانە بووە لە ناوچەی شەقڵاوە بەناوی ئیبراهیم و خوشکێکی بە ناوی حەیات بریندار دەبن، دواتر عوسمان حەمەد فیشەکی بەردەکەوێت و شەهید دەبێت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
