ژیاننامە
عابد رەشید عەبدولکەریم ئەحمەد لە ساڵی ١٩٥٧ لە گوندی ڕێیشاو سەر بە ناحیەی سیروانی پارێزگای هەڵەبجە لە دایکبووە، دانیشتووی شاری هەڵەبجە بووە و سەرقاڵی کەسابەتی ناو بازاڕی هەڵەبجە بووە، دایکی ناوی بەهیە محەمەدە و خاوەن چوار برا بە ناوەکانی باقی، وەهبی، یەقباڵ و بەهادین و خاوەن سێ خوشکە بە ناوەکانی ڕوناک، بەرهەم و عایشە. بەهادینی برای لە ساڵی ١٩٩٦ لە شاری هەولێر شەهید بووە، عابد ڕەشید لە ساڵی ١٩٨٦ شەهید دەبێت.
خەباتنامە
عابد رەشید عەبدولکەریم ئەحمەد لە ساڵی ١٩٨١ پەیوەندی بە لێژنە ناوچەی هەڵەبجەی سەر بە لقی چواری پارتی دەکات، ساڵی ١٩٨٢ بووتە پێشمەرگە لە بەتالیۆنی وەستا قادر، لە هەمانکاتدا لە ناوچەی هەڵەبجە پلەی بەرپرسی بنکەی وەرگرتووە بۆ کاروباری ڕێکخستن، لە بەرواری ١١ی تشرینی دووەمی ١٩٨٦ بە هۆی هێرشی حکوومەتی عێراقی بۆ سەر سەنگەرەکانی هێزی پێشمەرگە لە ئەحمەدئاوا، عابد ڕەشید و دوو لە هاوسەنگەرانی بە ناوەکانی عەلی کلاشینکۆف و یاسین کەریم شەهید دەبن.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
