شێخ غەریب شێخ عوسمان، لەساڵی ١٩٤٢ لە گوندی باڵەکیانی شارۆچکەی دیانای سەر بە پارێزگای هەولێر لەدایک بووە، گوندنشین و سەرقاڵی کاری جوتیاری بووە، خوێندەوار بووە، ژیانی هاوسەرێتی پێک هێنابوو.
ساڵی ١٩٧٠ پەیوەندی بە شۆڕشی ئەیلوولەوە دەکات و دەبێتە پێشمەرگە لەلای فەرماندە سەید عاسی، بەشداری شەڕەکانی گۆڕەز و سەرتیز و گەروەبێشێ و گەلی عەلی بەگ کردووە، لە ١٦ی نیسانی ١٩٧٤ لە کاتی هێرشبردنە سەر سوپای ڕژێمی عێراق لە گەلی عەلی بەگ لەگەڵ برایەکی بەناوی مستەفا غەریب شێخ کە ئەویش پێشمەرگە بووە، بە گولەی ڕژێمی عێراق شەهید دەبێت.
سەرچاوە:
١.ئەرشیفى دەستەی ئینسکلۆپیدیای پارتى دیموکراتى کوردستان.
