سه‌گڤان عوسمان هالۆ، ناسراو بە سەگڤان هالۆ، لە ١ى تەممووزی ١٩٦٨ لە گوندى بۆسەل سەر بەقەزاى زاخۆى پارێزگاى دهۆک لەدایک بووە، ساڵى ٢٠٠٨ بڕوانامەى بەکالۆریۆسى لە کۆلێژى یاسای زانکۆى سەڵاحەدین بەدەست هێناوە، ساڵى ٢٠١٦ بڕوانامەى ماستەرى لە یاسا لە کۆلێژى یاساى زانکۆى سەڵاحەدین بەدەست هێناوە. لە ٩ی تشرینى دووەمى ١٩٨٤ ئاوارەی وڵاتى ئێران بووە و لە شارى نەغەدە نیشتەجێ بووە، ساڵى ١٩٩١ گەڕاوەتەوە بۆ باشوورى کوردستان.
لە ١٢ى کانونى دووەمى ١٩٨٣ پەیوەندى بە ڕێکخستنەکانى پارتى دیموکراتى کوردستان کردووە، لە٢٥ى تشرینى دووەمى ١٩٨٤ لە بەشى دارایی مەکتەبى سیاسى بۆتە پێشمەرگە، ساڵى ١٩٨٥ لە بەشى دارایی مەکتەبى سیاسی لە ڕاژان بۆتە کادیر، ساڵى ١٩٩١ لە بەشى دارایی مەکتەبى سیاسی لە شارى ڕواندز بۆتە ئەندامى بەش، ساڵى ١٩٩٣ لە بەشى دارایی مەکتەبى سیاسی بۆتە ئەندامى مەکتەب.
لە ٦ی تشرینى دووەمى ساڵى ٢٠٢٢ لە کۆنگرەی چواردەیەمی پارتی دیموکراتی کوردستان لە شاری دهۆک لەلایەن ئەندامانى کۆنگرە بە ئەندامى کۆمیتەى ناوەندى هەڵبژێردرا.
سەرچاوە:
١.ئەرشیفى دەستەى ئینسکلۆپیدیاى پارتى دیموکراتى کوردستان.
