شەهید سەلیم ساڵح لە ساڵی ١٩٦٧ لە گوندی حەساری سەربە پارێزگای کەرکووک لە دایکبووە، گوندنشین بووە و سەرقاڵی کاری جوتیاری بووە، تا قۆناغى سەرەتایی خوێندووە، سەلیم ساڵح خێزاندار بووە و خێزانی ناوی ئیلهام حەمید بووە و خاوەنی کوڕێک بووە بە ناوی مەسعود.
سەلیم ساڵح پەیوەندی بە شۆڕشی گوڵان کردووە و لە ساڵی ١٩٨٦ بۆتە پێشمەرگەی لێژنە ناوچەی بنەسڵاوە بە بەرپرسیارەتی ئەبو عەلی سەرسپی سەربە لقی دووی پارتی دیموکراتی کوردستان.
لە شۆڕشی گوڵان بەشداری چالاکییە پاتیزانیەکانی دەڤەری دارەتوو و بنەسڵاوە و دەشتی پردێ کردووە. بەشداری ڕاپەڕینی ساڵی ١٩٩١ و ئازادکردنی شارى هەولێر، پردێ، شوان، چەمچەماڵ، کەرکووک کردووە.
لە ٢٧ی تەموزی ١٩٩١ سەلیم ساڵح لەگەڵ حەوت هاوسەنگەری لە نزیک گوندی قەشقە و خوڕخوڕەی دەڤەری پردێ کەوتوونەتە بۆسەی سەربازی ڕژێمی بەعس و سەلیم ساڵح شەهید دەبێت.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
