ژیاننامه
سەباح بەیتوڵا شوکری، به‌رنیاس ب سه‌باح بەیتوڵا، ل ٢٨ی كانونا ئێكێ ١٩٥٧ ل باژێرێ ئاكرێ دایك بووه، قۆناغا سه‌ره‌تایی و ناوه‌ندی ل هه‌مان باژێر دوماهیك ئینایه، ده‌رچوویێ خانه‌یا مامۆستایێن دهۆكێیه، ساڵا ١٩٧٥ ئاواره‌ی وڵاتێ ئێرانێ بوویه و ل ئۆردوگایێ زێوه ئاكنجی بوویه، ساڵا ١٩٧٥ ل ئۆردوگایێ زێوه‌ی بوویە مامۆستا، ساڵا ١٩٧٦ هاتيیه ڤه‌گوهاستن بۆ باژێرێ شاهرود سه‌ر ب پارێزگه‌ها سمنان، پشتی ساڵا ١٩٧٦دووباره هاتيیه ڤه‌گوهاستن بۆ باژێرێ ته‌ورێز، ناحيا سه‌رده‌رود، ساڵا ١٩٧٩ پشتی ناڤچوونا رژێما شاهنشاهیا ئیرانێ زڤرییەڤه باژێرێ نه‌غه‌ده، ساڵا ١٩٩١ پشتی سه‌رهلدانێ هاتییه‌ڤە بۆ هه‌رێما كوردستانێ، خێزانداره و ٧ زارۆک هه‌نه. زمانێ عەرەبی و فارسی ب باشی دزانیت.
خه‌باتنامه
ساڵا ١٩٧٤ دگه‌ل مالباتا خۆ په‌يوه‌ندى ب شۆره‌شێ ڤه كر، ساڵا ١٩٧٩ بوویه به‌رپرسێ ئێكه‌تيا لاوێن ديموكراتا كوردستانێ ل باژێرێ نه‌غه‌ده، ل ناڤه‌راستا ساڵا ١٩٨٠ بوویه بێژه‌رێ ڕادیۆیا ده‌نگێ كوردستانێ، ل ساڵا ١٩٧٦ ل باژێرێ شاهرود سه‌ر ب پارێزگه‌ها سمنان ده‌ست ب رێكخستنا پارتی كریيه دگه‌ل مامۆستا مەلا عەباس دێلزى، ساڵا ١٩٧٦ ل باژێرێ ته‌ورێز، ناحيا سه‌رده‌رود دگه‌ل به‌هرام عه‌زيز گۆران ئه‌ركێ خۆيێ پارتايه‌تيێ جێبه‌جێ كريیه، ل ناڤه‌راستا ساڵا ١٩٨٠ بوویه بێژه‌رێ رادیۆیا ده‌نگێ كوردستانێ.
ل ساڵا ١٩٩٣ بوویه كارگێرێ لقا ٩ ل باژێرێ ئاكرێ، ل ساڵا ١٩٩٤ بوویه ئه‌ندامێ مه‌كته‌با ره‌وشه‌نبيرى و راگه‌هاندنێ و رێڤه‌به‌رێ ده‌نگێ كوردستانێ ل پیرمام، ل ٢٨ی تشرینا ئێكێ ١٩٩٩ بوویه جێگرێ به‌رپرسێ لقا ٩ یا ئاكرێ، ساڵا ٢٠٠٩ بوویه ئه‌ندام په‌رله‌مانێ كوردستانێ خولا سێ يێ، ساڵا ٢٠١٤ دوو ساڵ و نيڤا وه‌كو پێشمه‌رگه‌يه‌كێ خۆبه‌خش چوویه ميحوه‌رێ ناوه‌ران ل شەرێ دژى تيرورستێن داعش، ل ٢٢ی شوباتا ٢٠١٧ بوویه به‌رپرسێ لقا ٩ یا ئاكرێ.
ل ١٦ى ته‌باخا ٢٠١٧ ژ لايێ جه‌نابێ سه‌رۆك مەسعود بارزانی ب ميداليا بارزانى هاتییه خه‌لاتكرن، ل کۆنگرێ ١٤ یا پارتی دیموکراتی کوردستان بوویه ئه‌ندامێ يه‌ده‌گێ كوميتا ناوه‌ندى و ياريده‌ده‌رێ به‌رپرسێ مه‌كته‌با رێكخستنا پارتى ل پارێزگه‌ها دهوكێ.
سەرچاوە:
-ئەرشیفی دەستەی ئینسکلۆپیدیای پارتی دیموکراتی کوردستان.
