سیسۆ عەبدوڵا، ساڵی ١٩٥٠ لە گوندی ستونی سەربە ناحیەی شێروان مەزن قەزای مێرگەسۆر پارێزگای هەولێر لە دایک بووە. ساڵى ١٩٩٠ ئاوارەى وڵاتى تورکیا بووە و لە شارۆچکەی شەمزینان سەر بە پارێزگای جۆلەمێرگ نێشتەجێ بووە. سالى ١٩٩١ دواى ڕاپەڕینى جەماوەرى باشوورى کوردستان گەڕاوەتەوە کوردستان و لە زاخۆ نیشتەجێ بووە و دواتر چۆتە گوندى لێلوک لە قەزاى مێرگەسۆر.
ساڵی ١٩٦٧ پەیوەندى بە هێزى پێشمەرگەى شۆڕشی ئەیلوول کردووە و لە هێزی بەرگری میللی بە فەرماندەیی سەعید خەلیل سێلکی بۆتە پێشمەرگە، ساڵى ١٩٧٤ بەشداری داستانی گۆڕەز کردووە. ساڵی ١٩٧٨ پەیوەندی بەڕێکخستنەکانى پارتی دیموکراتی کوردستان لە سنوورى لێژنە ناوچەى مێرگەسۆر کردووە.
ساڵى ١٩٩١ لە سوپای بارزان بە پلەی ئامر سریە دوبارە بۆتەوە پێشمەرگە. ساڵی ١٩٩٧ لە گردی حاجی شەوکەت لە گوندی ناڤکروکا لە ناوچەی مزور باڵا لەلایەن چەکدارانى pkk شەهید کراوە و لە گۆڕستانی گوندی لێلوک سەر بە قەزاى مێرگەسۆر بە خاک سپێردراوە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
