ژیاننامە
شەهید سدیق حەسەن، لە ساڵی ١٩٣١ لە گوندی قەرەن جۆغانی دەڤەری بەڕانەتی سەربە پارێزگای هەولێر لە دایکبووە. گوندنشین بووە و سەرقاڵی کاری جوتیاری بووە، خێزاندار بووە و خێزانی ناوی مریەم سەلیمە، خاوەنی سێ کوڕ و سێ کچ بووە بە ناوەکانی خالید، مەسعود، محەمەد، لەمیعە، ماریا و سارا.
خەباتنامە
شەهید سدیق لە ساڵی ١٩٦٨ بۆتە پێشمەرگە لە بەتالیۆنی سێی سەفین سەربە هێزی سەفینی پارتی دیموکراتی کوردستان, کە لەوکاتەدا مام ڕەسوڵ فەقێ فەرماندەی بەتالیۆن بووە.
لە دوای ڕێکەوتنی ١١ی ئاداری ١٩٧٠ شەهید سدیق هەر وەک پێشمەرگەی ناوچەی سەقڵاوە ماوەتەوە و بەردەوام بووە لە خەباتی چەکداری.
ساڵی ١٩٧٤ لە ڕووبەڕووبوونەوەی سەربازانی ڕژێمی عێراقی پێشوو، لە گوندی سێرکی دەڤەری سورچیان فیشەکی بەرکەوتووە و شەهید بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
