ساحێب حەبیب حەمەڕەشید وەهاب لە ساڵی ١٩٧٢ لە ناحیەی بیارەی سەربە پاریزگای هەڵەبجە لە دایکبووە، دانیشتووی بیارە بووە و قوتابی قۆناغی ناوەندی بووە. ساڵی ١٩٨٦ بۆتە پێشمەرگە لە بەتالیۆنی فەیرۆز بیارەی کەسەربە هێزی هەورامانی پارتی دیموکراتی کوردستان بووە.
ساڵی ١٩٨٧ لە دەڤەری هەورامان کەوتۆتە بۆسەی سەربازی ڕژێمی بەعس و بە سەختی بریندار بووە و توانیویەتی بە برینداری خۆی لە بۆسەکە دەرباز بکات. دوای وەرگرتنی چارەسەری برینەکەی، ساڵی ١٩٨٧ پلەی فەرماندەی فەسیڵی وەرگرتووە.
ساڵی ١٩٨٨ دوای ڕووبەڕووبوونەوەی سەربازانی ڕژێمی بەعس لە ناحیەی خورماڵ، جوڵەیان کردووە و دواتر کەوتوونەتە بۆسەی سەربازەکانی بەعس و ساحێب حەبیب حەمەڕەشید وەهاب شەهید بووە، سەربازەکان جەستەیان بردۆتە شاری سلێمانی و لەلایەن شارەوانی سلێمانیەوە لە گۆرستانی گردی سەیوان لە سلێمانی بەخاکیان سپاردووە.
سەرچاوە:
ئەرشیفی دەستەی ئینسکلۆپیدیای پارتی دیموکراتی کوردستان
