ژیاننامە

ل سالا ١٩٤٢ ل گوندێ بەهراڤا ل دەڤەرا سندیا ژ بنەمالەکا جوتيار و کورد پەروەر ژ دایک بوویە.

خەباتنامە

ل سالا ١٩٦١ چوو ناڤ رێزێن پێشمەرگەی و ژبەر زيرەکاتیا وی پلا سەرپەل ل  شۆڕەشا ئەیلوولێ وەرگرت، ل ١١ ئادارا سالا ١٩٧٠ دگەل وێ سەرکەفتنا مێژوویی ئەو بوو سەر لق دگەل شەهيد عه‌ريف فه‌یسه‌ل، ل سالا ١٩٧٤ شەرێ چەکداری دگەل حکومەتا عێراقێ دەست پێکر ژبەر زیرەکاتیا وى، وی پلا سەر لق ل شۆڕەشا ئەيلوولێ وەرگرت، ل سالا ١٩٧٥ پشتی تێکچوونا شۆڕەشا ئەیلوولێ ئەو دگەل خێزان و کەس و کارێن خوە ئاوارەيى وەڵاتێ ئيرانێ بوو، ل سالا ١٩٧٨ وی پەيوەندی ب شۆڕەشا گوڵانا پێشکەفتن خواز کر، ل کونگرەيێ ٩ێ پارتی ديمكراتى كوردستان ب گرانی دهێتە بريندار كرن ژ بەر زیرەکاتیا وی ئەو دهێتە ڤەگوهاستن بوو ئورديگايى زێوە ل هێزا ٢٤ و پلا ئامر بەتاليون وەرگرت.

ل سالا ١٩٩١ دگەل چەند ژ هەڤال و هەڤچەپەرێن خوە يێن پێشمەرگە دهێنە كوردستانا ئازاد پاشان بەردەواميێ خەباتا خوە ددەن ل سەر رێبازا پارتی و بارزانی، ل سالا ١٩٩٢ بوو ئامر هێز و بەردەوام بوو ل سەر خەباتا خوە. ل ٧ێ تشرینا دووێی ١٩٩٢ ل سەرێ دێرێ نێزيک گوندێ بوسەلێ دهێتە شەهيد كرن، شەهید دەرباز کەلەش بەژداری د چەندين شەر و چالاکیێن لەشکەری دا دناڤبەرا سالێن (١٩٦١-١٩٩٢) کرییە وەکو شەرێ بەراڤێ ل سالا ١٩٦١، شەرێ گەليێ زاخۆ و عەين زالا و خوالشێ ل سالا ١٩٦٢، شەرێن باتيفا، بافيا، چيايێ مەتينا، بانا نێرگزێ، ئاڤگەنيێ، يانا دەعملكێ، خيزاڤا ل سالا ١٩٦٣، شەرێ سندورێ سالا ١٩٦٥،شەرێ  زێوکا پاسێ و مانگێشکێ سالا ١٩٦٧، شەرێ چەم مشكو و لێڤو ل سالا ١٩٦٨، شەرێن بەرزێبارێ، گرێ میها، سەر چیايێ دەرگەلێ، قەرەوێلا، گرک سندى، مەمان، بەقليجێ ل سالا ١٩٦٩، شەرێ دورنەخێ ل سالا١٩٧١، شەرێ زوزک، گەورا عومەر ئاغای، خرابابک، كيزڤا، مەرينا، كوخێ حەبەشی ل سالا ١٩٧٤،  شەرێنگەلیێ بی سفرى، ئەلوەتان، لولاڤ، هێرشا كورا گاڤانا، خواكورك، حاجى عمران، هێرشا خرابدارێ، بانا زاخۆ، پێشابیر، كەلها مارا، هێرشا دەشتمرێ، مجمع خەبات، دوبانكێ ل سالا ١٩٧٨، شەرێن حاجى ئاوا، گرتنا شاوريكێ، بێزهێ، گەلیێ دهوكێ ل سالا ١٩٧٩، شەرێ قەنديل سالا ١٩٨٢، شەرێ شێلا شليمازيكێ و هێرشا هێتيتێ سالا ١٩٩١، هێرشا سپينە، دەشتا ديانا و سەرێ دێرێ سالا ١٩٩٢.

سەرچاوە:

ئەرشیفی دەستەی ئینسکلۆپیدیای پارتی پارتی دیموکراتی کوردستان.