ژیاننامه
عه‌لی بابا ئیسماعیل حەقی عه‌لی ڕە‌سوڵ، ناسراو به دکتۆر عەلی بابا، دكتۆر عه‌لی و خاڵه دكتۆر، ساڵی ١٩٤٠ له شاری سلێمانی له‌دایك بووه، كوڕی ڕۆشنبیر و شۆڕشگێڕ ئیسماعیل حەقی شاوه‌یس (١٨٩٨ـ١٩٧٦) ئه‌ندامی چالاكی حزبی خۆیبوونی كورده، باوكی له دامه‌زرێنه‌رانی چه‌ندین كۆمه‌ڵه‌ی ڕامیاری كورد بووه له باشووری كوردستان، ساڵی ١٩٦٨ ماسته‌ری ته‌لارسازی له ئینستیتۆی مۆسكۆ وه‌رگرتووه، ساڵی ١٩٦٩ وه‌ك ئه‌ندازیار له به‌ڕێوه‌به‌رێتی خۆجێیی سلێمانی دامه‌زراوه، ساڵی ١٩٧٠ له شاره‌وانی سلێمانی دامه‌زراوه، ساڵی ١٩٧٥ له دوای نسكۆی شۆڕشی ئەیلوول ئاواره‌ی وڵاتی ئێران ده‌بێ و دواتر له سه‌ر فه‌رمانی سەرکردایەتی کاتیی پارتی دیموکراتی کوردستان ڕە‌وانه‌ی هه‌نده‌ران كراوه، ساڵی ١٩٧٧ دكتۆرای ته‌لارسازی له ئینستیتۆی مۆسكۆ وه‌رگرتووه، ساڵانی (١٩٧٧ـ١٩٨١) له یه‌كێتی سۆڤێت وه‌ك په‌نابه‌رێك ژیاوه و نه‌گه‌ڕاوه‌ته‌وه باشووری كوردستان، ساڵانی (١٩٨١ـ١٩٨٤) له به‌لژیكا وه‌ك په‌نابه‌ر نیشته‌جێ بووه، ساڵی ١٩٨٥ له‌سه‌ر داوای سه‌رۆك مەسعود بارزانی گه‌ڕاوه‌ته‌وه باشووری كوردستان، ساڵانی (١٩٨٥ـ١٩٩٠) له وڵاتی ئێران به په‌نابه‌ری ژیاوه، له ٦ی كانونی یه‌كه‌می ١٩٩٠دا له ڕۆژهه‌ڵاتی كوردستان كۆچی دوایی كردووه و سه‌ره‌تا له گۆڕستانی شارۆچكه‌ی مه‌ریوان له ڕۆژهه‌ڵاتی كوردستان به‌خاك سپێردراوه، دوای ڕاپه‌ڕینی باشووری كوردستان له گۆڕستانی گردی سه‌یوانی شاری سلێمانی ئه‌سپه‌رده‌ی خاك كراوه‌ته‌وه. شاره‌زای زمانه‌كانی كوردی، عه‌ره‌بی، ڕوسی، فارسی و فڕە‌نسی بووه.
خه‌باتنامه
ساڵی ١٩٥٧ په‌یوه‌ندی به ڕیزه‌كانی یەکێتی قوتابیانی کوردستانه‌وه كردووه، ساڵی ١٩٥٧ په‌یوه‌ندی به ڕیزه‌كانی پارتییه‌وه كردووه، ساڵی ١٩٥٩ په‌یوه‌ندی به ڕیزه‌كانی یەکێتی لاوانی دیموکراتی کوردستانه‌وه كردووه، ساڵی ١٩٥٩ په‌یوه‌ندی به یه‌كێتی مامۆستایانی كوردستانه‌وه كردووه، ساڵی ١٩٥٩ ئه‌ندامی لێژنه‌ی ڕێكخراوی لاوان بووه، ساڵی ١٩٧٠ ئه‌ندامی لێژنه‌ی ناوچه‌ی سلێمانی سه‌ر به لێژنه‌ی لقی چواری پارتی دیموکراتی کوردستان بووه، ساڵی ١٩٧٤ په‌یوه‌ندی به ڕیزەکانی هێزی پێشمه‌رگه‌وه كردووه، ساڵی ١٩٨٤ كراوه‌ته كارگێڕی لێژنه‌ی لقی شه‌شی ئه‌وروپای پارتی دیموکراتی کوردستان، سه‌رنووسه‌ری گۆڤاری ئه‌زمه‌ڕ بووه كه له‌لایه‌ن لێژنه‌ی لقی چواره‌وه له چاپ دراوه، ساڵی ١٩٨٨ به‌شداری له داستانی خواکوڕک له سنووری پارێزگای هه‌ولێر دژ به هێزی سوپای عێراقدا كردووه، ساڵی ١٩٨٩ له‌لایه‌ن نوێنه‌رانی كۆنگره‌وه به ئه‌ندامی کۆمیتەی ناوەندی پارتی دیموکراتی کوردستان (کۆنگرەی دەیەمی پارتی دیموکراتی کوردستان) هه‌ڵبژێردراوه، ساڵی ١٩٨٩ به‌رپرسی دووه‌می لێژنه‌ی لقی چوار بووه.
سه‌رچاوه‌كان:
-
ئەرشیفی دەستەی ئینسکلۆپیدیایی پارتی دیموکراتی کوردستان.
-
ابراهیم محمود، دولة حاجو آغا الكردیة، (دمشق ـ دار الزمان للطباعة والنشر والتوزیع ـ ٢٠١٨م)، ص ٦٤٨.
-
حبیب محمد كریم، تأریخ الحزب الدیمقراطي الكوردستاني ـ العراق (في محطات رئیسیة) ١٩٤٦ ـ ١٩٩٣، (دهوك ـ مطبعة خه‌بات ـ ١٩٩٨م)، ص ص ١٧٤، ٤٨٨.
-
شه‌عبان عه‌لی شه‌عبان، هه‌ندێك زانیاری سیاسی و مێژوویی، چاپی سێیه‌م، (هه‌ولێر ـ چاپخانه‌ی ڕۆژهه‌ڵات ـ ٢٠١٣ز)، ل ١٢١.
-
عبدالخالد صابر (مامۆستا خالد)، شه‌جه‌ره‌ی بنه‌ماڵه دێرینه‌كانی سلێمانی له نێوان ساڵانی ١٧٨٤ ـ ١٩١٤، چاپی دووه‌م، (به‌یرووت ـ چاپخانه‌ی گرین گلوری ـ ٢٠١٠ز)، ل ل ٥٦٩ ـ ٥٧٢.
-
عوسمان سه‌نگه‌سه‌ری، به‌شێك له ژیانی سه‌ركرده نه‌مره‌كانی كوردستان، (سلێمانی ـ چاپخانه‌ی سیما ـ ٢٠١٤ز)، ل ٧١.
