ژیاننامە
شەهید حەسەن ڕەمەزان لە ساڵی ١٩٣٥ لە گوندی گۆپاڵی زرارەتی سەربە قەزای شەقڵاوە لە دایکبووە، گوندنشین بووە و ئاستی خوێندەواری سەرەتایی بووە بەڵام خوێنەر و نووسەرێکی لێهاتووە بووە، لە پارێزگای کەرکووک سەربازی کردووە، شەهید حەسەن خێزاندار بووە و خێزانی ناوی زولێخا عەزیز بووە، خاوەنی یەک کوڕ و یەک کچ بووە بە ناوەکانی خەتاب و ناجیە.
خەباتنامە
شەهید حەسەن لەکاتی سەربازیدا پەیوەندی لەگەڵ موقەدەم عەزیز عەقراوی دروست کردووە و بە نهێنی بۆتە ئەندامی ڕێکخستنەکانی پارتی دیموکراتی کوردستان.
لە ساڵی ١٩٦١ بۆتە پێشمەرگە لە لقی شەهید ڕەشید مەجید بارەکی، کە لەو کاتەدا لقەکەیان سەربە بەتالیۆنی سەفینی پارتی دیموکراتی کوردستان بووە، شەهید حەسەن بەهۆی ئاستی بەرزی لە نووسین و خوێندنەوە بە فەرمانی ڕەشید سندی بۆتە نووسەری لقەکەی خۆی.
لە ساڵی ١٩٦٤ لە ئەنجامی تۆپبارانی چڕی دەبابەکانی ڕژێمی ئەوکاتی عێراق بۆ سەر سەنگەرەکانی پێشمەرگە لە چیای سەفین، حەسەن ڕەمەزان پڕاوپڕ تۆپێک لێداوە و شەهید بووە هاوکات لەگەڵ ئەودا ڕەشید مەجید بارەکیش شەهید بووە، دواتر هاوسەنگەرانی جەستەکانیان لە گۆڕستانی گوندی خۆرانی بناری سەفین بەخاک سپاردووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
