جەعفەر سلێمان عەلی چێی

جەعفەر سلێمان عەلی چێی ساڵی ١٩٤٥ لە گوندی چێی لە قەزاى ئامێدی سەر بە پارێزگاى دهۆک لەدایک بووە، ساڵى ١٩٧٥ دوای نسکۆی شۆڕشی ئەیلوول ئاوارەى وڵاتى ئێران بووە و لە نەغەدە نیشتەجێبووە، دواتر گواستراوەتەوە بۆ مەشهەد، تا ساڵی ١٩٧٩ لەمەشهەد ماوەتەوە، هەمان ساڵ گەڕاوەتەوە بۆ کەرەج و چاوی بە ئیدریس بارزانی کەوتووە و تاساڵى ١٩٨١ لەئێران ماوەتەوە، ساڵی ١٩٨١ گەڕاوەتەوە بۆ باشوورى کوردستان و لە شارى دهۆک نیشتەجێبووە.


ساڵی ١٩٦١ دوای هەڵگیرسانی شۆڕشی ئەیلوول لەلای سەلیم چێی بۆتە پێشمەرگە، ساڵی ١٩٦٢ بەفەرماندەیی محەمەد ئەمین میرخان بەشداری شەڕی جاشەکانی مرێبای کردووە، ساڵی ١٩٦٣ گواستراوەتەوە بۆ بارەگای بارزانی لە باڵەکایەتی و لەدەڤەری ڕانیە و قەلادزێ و گوندەکانی دیرێ و دیلمان بووە، لەهەمان ساڵدا لەشەڕەکانی گەلی عەلی بەگ و سەری سپیلک بەشداربووە، ساڵی ١٩٦٩ بەفەرماندەیی عومەرئاغای دۆلەمەری لە شەڕی ماخوبزنان لەنێوان ڕانیە و سەنگەسەر بەشداری کردووە، ساڵی ١٩٧٠ کراوە بە سەرلقی لقی یەک، یەکێک بووە لەو پێشمەرگانەی کە لەسەر دۆشکەی دژەفڕۆکە لەپردی حافز ڕۆڵێکى باشى بینیوە، لە گەرووی قەسرێ و مەمی خەلانى سەر بە قەزاى چۆمانى پارێزگاى هەولێر، پارێزگاریان لەئێزگەی دەنگی کوردستان و چاپخانەی شۆڕش کردووە. ساڵی ١٩٧٥ بەفەرماندەیی عەریف یاسین لەشەڕی دیلمان بەشداربووە.

ساڵی ٢٠٠٤ لەدەزگای ئەیلوول خزمەتی کردووەو دواتر خانەنشین بووە، ساڵی ٢٠١٠ لە کۆنگرەی سێزدەیەمی پارتی دیموكراتی كوردستان لە هەولێر لەلایەن سەرۆک بارزانی مەدالیای بارزانی پێ بەخشرا.


سەرچاوە:

١.ئەرشیفى دەستەى ئینسکلۆپیدیاى پارتى دیموکراتى کوردستان.


بابەتی پەیوەندیدار

فەقێ ئەحمەد پشدەری

ئەحمەد محەمەد ئەبوبەکر، ناسراو بە (فەقێ ئەحمەد پشدەرى)، ساڵى ١٩٢٢ لە گوندى دەلگە لە ناوچەى پشدەر لە ناحیەى هێرۆ سەر بە قەزاى قەڵادزێ پارێزگاى سلێمانى لە دایک بووە، ساڵى ١٩٥٨ پەیوەندى بە ڕیزەکانى پارتى دیموکراتى کوردستان کردووە، ساڵى ١٩٦١ پەیوەندى بە هێزی پێشمەرگەى شۆڕشی ئەیلوول کردووە، ساڵى ١٩٧٥ دوای نسکۆی شۆڕشی ئەیلوول (١٩٦١- ١٩٧٥) ئاوارەى وڵاتى ئێران بووە، لە ٤ى تشرینى یەکەمى ١٩٧٩ وەک ئەندامى کۆنگرە بەشدارى لە کۆنگرەى نۆیەمى پارتى دیموکراتى کوردستانی لە ڕۆژهەڵاتی کوردستانی کردووە.

زانیاری زیاتر

خالید تەها عەلی

خالید تەھا عەلی ساڵی ١٩٤٥ لە پارێزگای دھـۆک لەدایـــــک بـــــووە. ڕۆژی ٤ی نیسانی١٩٦٢ پەیوەندی بە شۆڕشی ئەیلوولەوە کردووە، ساڵی ١٩٧٠ بووەتەسکرتێری سەندیکای کرێکـارانی دھـۆک، دوای نسکۆی شۆرشی ئەیلوول لەساڵی ١٩٧٥ئاوارەی رۆژهەڵاتی کوردستان، لەساڵی ١٩٨٩ چووەتە وڵاتی نەمسا، ساڵی ١٩٩٩ گەراوەتەوە بۆ کوردستان، لە رۆژی ١٥ی کانونی یەکەمی ٢٠١٠ میدالیای بارزانی پێ بەخشراوە.

زانیاری زیاتر

حەمید حەیدەر ئەرگوشی

حەمیـد حەیـدەر ئەحمەد، ناسراو بە (حەمید ئەرگۆشى)، لە دایک بووی گوندى ئەرگۆشى ناحیەى شێروان مەزنە، ساڵى ١٩٥٩ پەیوەندى بە ڕیزەکانى پـارتی دیمـوکراتی کوردسـتان کردووە، ساڵى ١٩٦١ پەیوەندى بەهێزى پێشمەرگەى شۆڕشی ئەیلوول کردووە و بۆتە پێشمەرگە. ساڵی ١٩٧٩ پەیوەندی بە هێزى پێشمەرگەى شۆڕشی گوڵان کردووە، لە ١٥ی کانونی یەکەمی ٢٠١٠ میدالیای بارزانی پێ بەخشراوە.

زانیاری زیاتر

خەمەد بارزانى

خەمەد میـــرحەمەد فەتـــاح، ناسراو بە (خەمەد بارزانى)، ساڵى ١٩٤٩ لە ناحیەى گۆڕەتووی قەزاى مێرگەسۆر لەدایک بووە، ساڵى ١٩٧٢ پەیوەندى بەهێزى پێشمەرگەى شۆڕشی ئەیلوول کردووە، ساڵى ١٩٧٤ گوازراوەتە بۆ هێزى کاوەى لەشکرى کوردستان، ساڵى ١٩٧٧ لەلایەن هەواڵگرى ڕژێمى عێراق دەستگیرکراوە، لە ١٥ی کانوونى یەکەمى ٢٠١٠ لە کۆنگرى ١٣ى پارتی دیموکراتی کوردستان، میدالیای بارزانی پێ بەخشراوە

زانیاری زیاتر

جەوهەر ئاغاى غەفور ئاغاى لێوژە

جەوهەر غەفور ئیسماعیل، ناسراو بە (جەوهەر ئاغاى غەفور ئاغاى لێوژە)، ساڵى ١٩٢٨ لە گوندی لێوژە لە ناحیەى ناودەشت لە قەزاى قەڵادزێ سەر بە پارێزگاى سلێمانى لە دایک بووە، ساڵى ١٩٦١ پەیوەندى بە هێزى پێشمەرگەى شۆڕشی ئەیلوول کردووە، ساڵى ١٩٧٦ پەیوەندى بە هێزى پێشمەرگەى شۆڕشی گوڵان کردووەتەوە، لە ١٦ى ئابى ١٩٩٦ لە یۆبیلى زێڕینى پارتى دیموکراتى کوردستان، میدالیاى بارزانى پێ بەخشراوە.

زانیاری زیاتر