شەهید بەهائەدین یوسف حەسەن ستونی، ساڵی ١٩٥٠ لە گوندی ستونی سەربە ناحیەی شێروان مەزن قەزای مێرگەسۆر پارێزگای هەولێر لە دایک بووە. خێزاندار بووە و خاوەنى ٣ کچ و کوڕێک بووە. ساڵى ١٩٧٥ دواى نسکۆى شۆڕشی ئەیلوول ئاوارەى وڵاتى ئێران بووە و لە ئۆردوگاى زێوە نیشتەجێ بووە.
ساڵی ١٩٧٨ پەیوەندى بە هێزى پێشمەرگەى شۆڕشی گوڵان کردووە و لەگەڵ میتۆ ئەحمەد ستوونى بۆتە پێشمەرگە. ساڵی ١٩٩١ بەشداری ڕاپەڕینى باشوورى کوردستانى کردووە و هەمان ساڵ گەڕاوەتەوە کوردستان و لە گوندى سارداو نیشتەجێ بووە.
ساڵى ١٩٩١ داوى ڕاپەڕینى جەماوەرى باشوورى کوردستان پەیوەندى بە هێزی پێشمەرگەى پارتى دیموکراتى کوردستان کردووە و لە سوپاى بارزان بۆتە پێشمەرگە. ساڵى ١٩٩٧ لەلایەن چەکدارانى پەکەکە لە ناوچەى دەرپەلى لە قۆپی شەهیدانی دەڤەرى بارزان شەهید کراوە و لە گۆڕستانى سارداو بەخاک سپێردراوە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان
