Şehîd Qadir Kerîm Mehmûd Mistefa, di sala 1948an de li gundê Serkanî yê ser bi qezaya Pêncwên hatiye dinyayê, heta qonaxa seretayî xwendiye, gundnişîn bûye û mijûlî karê cotyariyê bûye.
XebatnameŞehîd Qadir Kerîm Mehmûd Mistefa, sala 1969an peywendî bi Şoreşa Eylûlê re kiriye, li Hêza Xebat bûye Pêşmerge, sala 1974an li gel destpêkirina şerê di navbera şoreş û artêşa Îraqê de, Qadir Kerîm tê veguhastin bo Lqa Kemal Hawarî û baregeh û sengerên wan li Çiyayê Ezmer bûye.
Di 2ê hezîrana 1974an de şehîd Qadir Kerîm li gel 10 Pêşmergeyên hevsengerên xwe ji Çiyayê Ezmer ber bi devera Hewraman û Helebceyê ve diçin, dema nêzî nahiyeya Erebet dibin, dibînin hêzeke serbazî ya mezin ber bi nahiyeya Derbendîxanê ve diçe, fermandeyê wan ku Kemal Hawarî bûye, Pêşmerge dabeş kiriye û ji çend aliyan ve kemînê ji bo karwanê serbazî datînin, rûbirûbûn û pevçûneke dijwar çêbûye û heta nêzî êvarê, Pêşmerge karwanê artêşa Îraqê radigirin û zirar û ziyareke mezin digihînin wan, di wî şerî de Kemal Hawarî li gel du ji hevsengerên xwe bi navên Elî Mezelî û Fettahê Sûr Şehîd bûne.
Şehîd Qadir Kerîm û hevsengerên wî biryar didin ku termê wan sê şehîdan bi cih nehêlin û wan veguhezînin bo sengerên xwe li Çiyayê Ezmer, piştî derketina wan ji nahiyeya Erebet şehîd Qadir Kerîm ku termê şehîd Elî Mezelî li ser milê xwe bûye, rastî mîneke çandî tê û mîn di bin wî de diteqe û şehîd dibe, li gel wî de hevsengerekî din bi navê Îbrahîm Xefûr bi dijwarî birîndar dibe. Lê hevsengerên wan termê her çar şehîdan bi milan vediguhêzin bo sengerên xwe li Çiyayê Ezmer.
Çavkanî:Arşîva Desteya Ensîklopediya Partiya Partiya Dêmokrata Kurdistanê.