شەهید یاسین سەعید عەبدولڕەحمان سەعید، ساڵی ١٩٥٠ لە گوندی جاسەنەی سەربە ناحیەی سورداشی قەزای دووکان پارێزگاى سلێمانى لە دایکبووە، گوندنشین و سەرقاڵی جوتیاری و ئاژەڵداری بووە، تا قۆناغى سەرەتایی خویندووە. سەڵت بووە.
ساڵی ١٩٦٩ پەیوەندی بە هێزى پێشمەرگەى شۆڕشی ئەیلوول کردووە و لە لقی چوار بە فەرماندەیی سوارە فەتاح سەر بە هێزی ڕزگاری پارتی دیموکراتی کوردستان بۆتە پێشمەرگە.
لە ١١ی ئەیلوولی ١٩٦٩ یاسین سەعید و هاوسەنگەرانی هێرشیان کردووە بۆ گرتنەوەی ڕەباییەی گردی جاسەنە، کە سەربازانی سوپاى عێراق و جاشە کۆڵوانە سورەکانی تێدا بووە، لە ئەنجامدا یاسین سەعید بە فیشەکی کۆڵوانە سورەکان شەهید بووە.
سەرچاوە:
١- ئەرشیفی دەستەى ئینسکلۆپیدیاى پارتى دیموکراتى کوردستان.
