شەهید کاکۆ عەبید لە ساڵی ١٩٧٣ لە گوندی داڵەخیای سەربە ناحیەی شوانی پارێزگای کەرکووک لە دایکبووە، گوندنشین بووە و سەرقاڵی کاری جوتیاری بووە، تا قۆناغی سەرەتایی خوێندووە.
کاکۆ عەبید لە ڕاپەڕینی ساڵی ١٩٩١ بۆتە پێشمەرگە لە ڕێکخراوی خاڵخاڵانی سەربە لێژنەی ناوچەی شوانی لقی ١٩ی پارتی دیموکراتی کوردستان.
بەشداری ڕاپەڕینی ساڵی ١٩٩١ و ئازادکردنی بازیان، تەکیە، چەمچەماڵ، کەرکووک کردووە.
لە ١٩ی ئاداری ١٩٩١ لە نێوان گەڕەکی عارفە و فەیلەقی شاری کەرکووک ڕووبەڕووی هێزێکی ڕژێمی بەعس بوونەتەوە و کاکۆ و هاوسەنگەرێکی لە بنەماڵەی شێخ جەلال تەرەخەیی شەهید بوونە و جەستەکانیان کەوتووتە دەست سەربازانی ڕژێم، شەهید کاکۆ عەبید یەکێکە لەو شەهیدانەی کە گۆڕی نادیارە.
سەرچاوە:
- ئەرشیفی دەستەی ئینسکلۆپیدیای پارتی دیموکراتی کوردستان.
