ڕەئووف حەمەدئەمین لە ساڵی ١٩٤٦ لە گەڕەکی بەفری قەندیلی قەزای کۆیەی سەربە پارێزگای هەولێر لە دایک بووە، دانیشتووی کۆیە بووە، دەرچووی قۆناغی سەرەتایی بووە.
ساڵی ١٩٦٣ پەیوەندى بە هێزى پێشمەرگە شۆڕشی ئەیلوول کردووە و لە بەتالیۆنی عەلی عەسکەری بۆتە پێشمەرگە، دواتر لە ساڵی ١٩٦٤ چۆتە بەتالیۆنی ئەحمەدی حاجی عەلی سەربە هێزی دەشتی هەولێری پارتی دیموکراتی کوردستان بۆتە پێشمەرگە. ساڵی ١٩٦٥ بەشداری داستانی چیای سەفینی کردووە و تێیدا بە سەختی بریندار بووە.
ساڵی ١٩٦٦ ڕەئووف حەمەدئەمین و پێنج هاوسەنگەری لە گوندی قەڵا سێوەی قەزاى چەمچەماڵ دەکەونە بۆسەى گروپى جەلال تاڵەبانى، دوای ڕووبەڕووبوونەوەیەکى توندی نێوانیان، ڕەئووف حەمەدئەمین شەهید کراوە و یەکێکە لەو شەهیدانەی کە گۆڕی نادیارە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
