ئەسحەد چیچو یەحیی، ساڵی ١٩٣٦ لە گوندی درێی هەرکی بنەجی سەربە ناحیەی شێروان مەزن قەزای مێرگەسۆر پارێزگای هەولێر لە دایک بووە. خێزاندار بووە. ساڵى ١٩٧٥ دواى نسکۆى شۆڕشی ئەیلوول ئاوارەى وڵاتى ئێران بووە و لە ئۆردوگاى زێوە نیشتەجێ بووە.
ساڵی ١٩٦١ پەیوەندی بە هێزى پێشمەرگەى شۆڕشی ئەیلوول کردووە و لە بەتالیۆنى حسۆ میرخان دۆلەمەرى بۆتە پێشمەرگە. ساڵى ١٩٦٣ بەشدارى شەڕى چیاى پیرسی کردووە.
ساڵی ١٩٨٠ پەیوەندى بە ڕێکخستنەکانى پارتى دیموکراتى کوردستان کردووە لە سنوورى ڕێکخراوى تەورێز، ساڵى ١٩٨٢ پەیوەندى بە هێزى پێشمەرگەى شۆڕشی گوڵان کردووە و لە لاى فەرماندە مەلحەم درى بۆتە پێشمەرگە. ساڵى ١٩٨٦ لەگەڵ فەرماندە مەلحەم درى گەڕاوەتەوە باشوورى کوردستان بۆ ئەنجامدانى چالاکى پارتیزانى. ساڵى ١٩٨٨ بەشدارى داستانى خواکوڕکى کردووە و هەر لەو داستانە شەهید بووە، لە گۆڕستانی مەلا باسەک لە ئۆردوگای زێوەی رۆژهەلاتی کوردستان بە خاک دەسپێردراوە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
