ئەحمەد مەحمود ساڵح ڕەسول، ساڵی ١٩٦٩ لە گوندی بەشارەتی سەروو سەربە ناحیەی سیروانی پارێزگای هەڵەبجە لە دایکبووە، گوندنشین بووە و سەرقاڵی کاری جوتیاری بووە، تا قۆناغى ناوەندى خوێندوویەتى. زمانى کوردى و عەربی زانیوە.
ساڵى ١٩٨٢ پەیوەندى بە ڕێکخستنە نهێنییەکانى پارتى دیموکراتى کوردستان لە شارى هەڵەبجە کردووە، ساڵى ١٩٨٧ پەیوەندى بەهێزى پێشمەرگەى شۆڕشى گوڵان کردووە، لە لێژنە ڕێکخراوى سیروانى سەر بە لێژنە ناوچەى هەڵەبجەى لقى چوارى پارتى دیموکراتى کوردستان بۆتە پێشمەرگە.
لە چەندین شەڕ و چالاکى پارتیزانى بەشدارى کردووە، لەوانە ساڵى ١٩٨٧ شەڕى قەرەداغ و شەڕى خۆرنەوازان و وشکە ناو و شاخى زەردە و شەڕى خورماڵ و ئەحمەد ئاوا لە هەڵەبجە، ساڵى ١٩٨٨ شەڕى سیروان و شەڕى گوندى تەپەکوڕە.
لە شەوى ١٥ لەسەر ١٦ى ئادارى ١٩٨٨ بە مەبەستى گرتنى بازگەى سوپاى عێراق لە گوندى زەمەقى دەشتى شارەزوور کەوتوونەتە بۆسەى سەربازانى سوپاى عێراق، پاش ڕووبەڕووبوونەوەیەکى چەند کاتژمێرى شەهید بووە.
سەرچاوە:
ئەرشیفی دەستەی ئینسکلۆپیدیای پارتی دیموکراتی کوردستان.
