شەهید ئیسماعیل یاسین حامد ستونی، ساڵی ١٩٤٧ لە گوندی ستونی سەربە ناحیەی شێروان مەزن قەزای مێرگەسۆر پارێزگای هەولێر لە دایک بووە. خێزاندار بووە و خاوەنى ١٠ منداڵ بووە. ساڵى ١٩٧٥ دواى نسکۆى شۆڕشی ئەیلوول بۆ باشوورى عێراق دوور دەخرێتەوە.
ساڵی ١٩٦٢ پەیوەندى بە هێزى پێشمەرگەى شۆڕشی ئەیلوول کردووە، ساڵى ١٩٧٥ لەلایەن حکومەتى بەعس ماوەى دووساڵ زیندانى دەکرێت. دواى ئازادبوونى دەگەڕێتەوە کوردستان و لە ناحیەى گۆڕەتوی قەزاى مێرگەسۆر نیشتەجێ دەبێت. ساڵى ١٩٨٠ دووبارە زیندانى کراوەتەوە. ساڵى ١٩٨١ ئازاد کراوە و ئاوارەى وڵاتى ئێران بووە و لە ئۆردوگاى زێوە نیشتەجێ بووە. هەمان ساڵ پەیوەندى بە هێزى پێشمەرگەى شۆڕشی گوڵان کردووە و بۆتە پێشمەرگە. ساڵى ١٩٨٨ بەشدارى داستانى خواکوڕکی کردووە و لەو شەڕە شەهید بووە. تەرمەکەى گوازراوەتەوە ڕۆژهەڵاتى کوردستان و لە گۆڕستانى مەلاباسەک لە ئۆردوگاى زێوە بەخاک سپێردراوە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
