ژیاننامە
شەهید ئیسماعیل مەغدید لە ڕێکەوتی ١ی ئاداری ١٩٧٠ لە پارێزگای هەولێر لە دایکبووە، دەرچووی قۆناغی ناوەندی بووە، سەرقاڵی کەسابەتی ناو بازاڕی هەولێر بووە، ئیسماعیل مەغدید خێزاندار بووە و ناوی خێزانی حەبیبە محەمەدە و خاوەنی یەک کچ بووە بە ناوی ئاشنا.
خەباتنامە
شەهید ئیسماعیل مەغدید لە کاتی قوتابی بوونی لە قۆناغەکانی ناوەندی پەیوەندی کردووە بە یەکێتی قوتابیانی کوردستان و لەو ڕێکخراوە بۆتە کادر، دوای تەواوکردنی خوێندن بۆتە کادری شانەی نهێنی لقی دووی پارتی دیموکراتی کوردستان و ئەرکی نووسینەوەی دروشمەکانی شۆڕشی وەرگرتووە.
لە ساڵی ١٩٩١ بۆتە پێشمەرگەی ناوچەی یەکی پیرمامی لقی دووی پارتی دیموکراتی کوردستان کە لەوکاتەدا سەید موحسین بەرپرسی لێژنە ناوچە بووە، لە ساڵی ١٩٩١ لە ڕاپەڕیندا بەشداری لە ئازادکردنی قەزای پیرمام و پارێزگای هەولێر کردووە.
لە ڕێکەوتی ٣١ی نیسانی ١٩٩١ ئیسماعیل مەغدید و دەستەیەک هاوسەنگەری لە چوارڕیانی زەعیم لەناو شاری هەولێر، کەوتوونەتە بۆسەی سەربازانی ڕژێمی بەعس و ئیسماعیل مەغدید شەهید بووە، هاوکات لەگەڵ شەهید ئیسماعیل مەغدید کۆمەڵێک هاوسەنگەری بە ناوەکانی نەسرەدین، سەلیم، جەلال و کوڕەکانی مەحمود سێ تیر شەهید بوونە لەو بۆسەیە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
