ئهنوهر شێخ محهمهد تاهر کورێ مهلا عهبدلرهحمان مایی بهرنیاس ب ئەنوەر مایی، ههلبهستڤان و دیرووکنڤیس و رۆژنامهڤان وسیاسیێ مهزن، سالا ۱۹٤٦ ب نهێنی ڤە چوو دەڤەرا دووسکی هەتاکو پەیوەندیێ ب بارزانیێ نەمر بکەت، سالا ۱۹٤۱ ب رێیا هەڤالێ وی رەشید عالی ئەلگەیلانی بوو کارمەند ل رێڤەبەرییا (تموین) ل ئامێدیێ، پشتی هاتیە ڤەگوهاستن بۆ رێڤەبەریا (تموین) ل شێخان ل سالا ۱۹٤٥ وێرێ ب جهـ هێلا پشتی هاتیە ئاگەهدار کرن کو دێ هێتە گرتن ژبەر پەیوەندیا وی یا نهێنی ب مەلا مستەفا بارزانی ڤە، ل ئێڤارا شەمبی ل ٢٢ێ حوزەیرانا ۱۹٦۳ ل سپنەی هاته شههید كرن.
ژیاننامه
شههید ئهنوهر شێخ محهمهد تاهر کورێ مەلا عهبدلرهحمان مایی، سالا ۱۹۱۳ ل گوندێ مایێ دەڤەرا بەرواریا سەر ب قەزا ئامێدیێ هاتیە سەر دونیایێ، ژ بنە مالەکا کوردپەروەر و دیندار و خودێ نیاس بووینە، کو رێیا نەقشبەندی پەیڕەو کریە، ژیێ وی سێ ساڵ بوویه وهختێ بابێ وی كۆچا داوی كهت، دایكا وی حەلیمە کچا سەید سالح چەمسەیدی ب خودان دکەت و ڤرێدکەتە بامەرنێ بۆ خاندنا سەرەتایی، ل سالا ۱۹۳٦ پێدڤیاتیێن وەرگرتنا باوەرناما زانستی د بوارێ زانستێن ئاینیدا وەرگرتیە سەر دەستێ شوکری ئەفەندی مفتیێ ئامێدیێ، سالا ۱۹۳۸ ل تاقیکرنا (وزارة المعارف) دەرچوو تاکو ببیتە ماموستایێ زمانێ عەرەبی، کو پتر ژ سەد کەسان بەشدار ببوون بەس سێ کەس هاتنە هەلبژارتن، سالا ۱۹۳۹ بوو ماموستا ل گوندێ لشێروانا مەزن سەر ب ناحیا مێرگەسوور، پاشان بو گوندێ بارزان ل ساڵا (۱۹٤٠-۱۹٤۱)، ساڵا ۱۹٤۱ ب رێیا هەڤالێ وی رەشید عالی ئەلگەیلانی بوو کارمەند ل رێڤەبەرییا (تموین) ل ئامێدیێ، پشتی هاتیە ڤەگوهاستن بۆ رێڤەبەریا (تموین) ل شێخان ل سالا ۱۹٤٥ وێرێ ب جهـ هێلا پشتی هاتیە ئاگەهدار کرن کو دێ هێتە گرتن ژبەر پەیوەندیا وی یا نهێنی ب مەلا مستەفا بارزانیڤە. سالا ۱۹٥۸هاتە هەلبژارتن د یەکەم دەستەیا یەکێتیا رەوشەنبیرێن ئێراقێدا و بو ئێک ژ ئەندامێن سەندیکا رۆژنامەنڤیسا. ل ٢٢ێ حوزەیرانا ۱۹٦۳ ل سپنەی هاته شههید كرن.
خهباتنامه
شەهيد ئەنوەر مایی ئەندامەکێ چالاک بوو ل حزبا (هیوا) و بەری هینگێ پەیوەندی دگەل کومەلا (الأستقلال ـ خوییبوون) ساڵا (۱۹۲۷ـ ۱۹۳۲) هەبوو زێدەباری پەیوەندیەکا باش دگەل بنەمالا بەدرخانیان، سالا ۱۹٤٦ بـ نهێنی ڤە چوو دەڤەرا دووسکی هەتاکو پەیوەندیێ ب بارزانیێ نەمر بکەت ل ئیرانێ لێ ل وێرێ هاتە دەستەسەرکرن و تا سالا ۱۹٤۸ ل گرتیخانا میسل ڤە ما، ل سالا ۱۹٥۸ پشتی سەرهلدانا (ثورة تموز) ب نوێنەراتیا حزبا پارتی دیموکراتی کوردستان دگەل شاندەکی دچنە لایێ عهبدولکهریم قاسمی، سالا ۱۹٥۹ شاندەکێ ئێراقێ هاتە هەلبژارتن ژ چوار کەسان کو شەهید ئەنوەر مایی ئێک ژ وان بوو، سەرەدانا ولاتێ چینێ و پاشان ئێکەتیا سوڤیەت دکەت و ب جلێن کوردی وێنە هەیە دگەل سەروکێ وی وەختی ماوتسی تونگ.
ل سالا ۱۹٦۱ ب فەرمانا بارزانیێ نەمر بەرێ شەڕی ل خانەقین وەردگریت و پشتی سالەکێ هەر ژلایێ بارزانیێ نەمر هاتە ڤەگوهاستن ژبۆ هاریکاریا ئەسعەد خوشەڤی ل دەڤەرا بەهدینان.
هندەک کاروچالاکیێن ئەدەبی یێ شەهید ئەنوەر مایی:
- پەرتوکا الاکراد فی بهدینان - مژدەها روژ - محاضرە عن کورد فی الصین (الفردوس المجهول) کو نەهاتیە چاپکرن.
چەندین هوزان ونڤیسین د گوڤار و روژنامێن جدا جدادا وەکو:-
ـ گوڤارا (روناهی) یا بەدرخانیا ۱۹۳٤
ـ گوڤارا (گەلاوێژ) عەلائەدین سجادی ۱۹٤۱
ـ گوڤارا (هەتاو) یا موکریان ساڵێن پێنجیا
ـ گوڤارا (الثقافە الجدیدة) ۱۹٥۸
ـ روژناما ( صدی الروافد) ل میسل
ـ روژناما (خەبات)
ـ روژناما ( الزمان) ۱۹٥۹
ـ روژناما ( البلاد) رفائیل بەتی ۱۹٥۹
ـ روژناما ( روناهی) حافز ئەلقازی (۱۹٦٠-۱۹٦۱)
ـ روژناما ( الشعب) ل ولاتێ چینێ ۱۹٥۹
ـ روژناما (براڤدا) ل ولاتێ سوڤیەتا جاران ۱۹٥۹
ـ روژناما (راستی ـ الحقیقة) (۱۹٥۹-۱۹٦٠)
ـ روژناما (پێشکەوتن ـ التقدم)
ـ روژناما ( الرأي العام) ۱۹٥۹
ـ روژناما ( فتی العراق ) ل میسل
ـ روژناما (نصیر الحق) ل میسل
ـ روژناما ( الرایة) ل میسل ..
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
