ژیاننامە
دێوانە لە ساڵی ١٩٦٦ لە شارەدێی کۆڕێ لەدایکبووە، تا کۆتا قۆناغی سەرەتایی خوێندووە، سەرقاڵی کاسبی ناو بازاڕ بووە، باوکی پێشمەرگەی هەردوو شۆڕشی ئەیلوول و شۆڕشی گوڵان بووە. دایکی ناوی حەبیبە عەبدوڵا بووە و برایەکانی ناویان نەوزاد، دڵزار، سەباح، رەشاد بووە و هەردوو خوشکەکەشى ناویان فێنک وکازیمە بووە.
خەباتنامە
لە ساڵی ١٩٨٠ لە رێگەی وەستا یونس پەیوەندی بە رێکخستنە نهێنییەکانی پارتی دیموکراتی کوردستانەوە کردووە و ماوەی پێنج ساڵ وەک شانەی نهێنی کاریکردووە و نازناوی دێوانەى وەرگرتووە.
لە ساڵی ١٩٨٥ چەکى هەڵگرتووە و لە رێکخراوی پیرمامى سەر بە ناوچەی شەقڵاوە بووەتە پێشمەرگە کە ئەوکات سەید پەپوولە بەرپرسی رێکخراو بووە.
لە بەرواری ٨ی ئابی ١٩٨٨ بۆ ئەنجامدانی چالاکییەک چووەتە پیرمام و کەوتووەتە بۆسەی سەربازانی ڕژێم، دوای ماوەیەک بەرگری لەخۆکردن و خۆبەدەستەوە نەدان، دواجار دەکەوێتە دەست سەربازەکان و دەستبەسەر دەکرێت، یەکێکە لەو پێشمەرگانەی کە هیچ سۆراغێکی نیە و بێ سەروشوێنە و گۆڕبزرە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
