شەهید نەجات محەمەد محەمەد، ساڵی ١٩٦٠ لە گوندی ئەرگۆش سەر بە ناحیەی شێروان مەزن لە قەزای مێرگەسۆری پارێزگای هەولێر لە دایک بووە. ساڵى ١٩٧٥ لەگەڵ خانەوادەى ئاوارەى وڵاتى ئێران بووە و هەر لەوێش تا قۆناغى ناوەندى خوێندووە. خێزاندار بووە و خاوەنى دوو هاوسەر بووە.
ساڵى ١٩٧٦ پەیوەندى بە هێزی پێشمەرگەى شۆڕشی گوڵان کردووە، لە هێزی خەبات بە فەرماندەیی ئەسعەد خۆشەوى بۆتە پێشمەرگە. ساڵى ١٩٨٣ لەسەر مەزارى نەمران لەشارى شنۆ بریندار بووە. ساڵى ١٩٩١ پەیوەندى بە هێزی پێشمەرگەى کوردستان دەکاتەوە و لە سوپاى بارزان دەبێتە پێشمەرگە، ساڵى ١٩٩٣ لە دەڤەرى مزورى باڵا بریندار بووە. ساڵى ١٩٩٤ لە شەڕى ناوەخۆ لە هەولێر برینداربووە، ساڵى ١٩٩٥ لە شاوێس لە شەڕى ناوەخۆ شەهید کراوە، لە گوندی سێلکی ى ناحیەى شێروان مەزن بە خاک سپێردراوە.
سەرچاوە:
ئەرشیفى دەستەی ئینسکلۆپیدیاى پارتى دیموکراتى کوردستان.
