شەهید نوری مەلا ئەحمەد مستەفا، ساڵی ١٩٥٤ لە گوندی بۆڵێ سەربە قەزای سیدەکان پارێزگاى هەولێر لەدایک بووە، تا قۆناغی سەرەتایی خوێندوویەتی، خێزاندار بووە.
ساڵی ١٩٧٣ پەیوەندی بە هێزى پێشمەرگەى شۆڕشی ئەیلوول کردووە و بۆتە پێشمەرگە، لە شۆڕشی گوڵان لە ڕێکخستنە نهێنییەکان کاری کردووە، ساڵی ١٩٩١ دوای ڕاپەڕینەکەی باشووری کوردستان دووبارە پەیوەندى بەهێزى پێشمەرگەى پارتى دیموکراتى کوردستان کردووەتەوە و بۆتەوە بە پێشمەرگە، لەساڵی ١٩٩٢ دوای پێکهێنانی لەشکری کوردستان سەر بە وەزارەتی پێشمەرگە، لە لیوای هاوبەش لە سیدەکان پلەی فەرماندەی بەتالیۆنی پێ دراوە، لە ڕۆژی ٨ی تشرینی یەکەمی ١٩٩٢ لە شەڕی بەرگریکردن لە سەروەری یاسا، لە چیای زرارا لە دەڤەری سیدەکان، لەلایەن چەکدارانی پەکەکە شەهید کراوە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
