ژیاننامە
شەهید مەحمود یابە لە ساڵی ١٩٤٩ لە بناری چیای سەفین و لە گوندی قڕژەی سەربە قەزای پیرمام لە دایکبووە. دانیشتووی هەولێر بووە و سەرقاڵی کەسابەتی بازاڕ و شوفێری دەڕاسە بووە، ئاستی خوێندەواری سەرەتایی بووە، خێزاندار بووە و خێزانی ناوی حەنیفە عومەر بووە.
خەباتنامە
شەهید مەحمود یابە لە ساڵی ١٩٦٥ بۆتە کادری ڕێکخستنی هێزی دەشتی هەولێری پارتی دیموکراتی کوردستان، لە چالاکیەکدا لە ساڵی ١٩٦٧ لەلایەن ئەمنی هەولێرەوە دەستگیر کراوە و ماوەی یەک ساڵ زیندانی بووە لە گرتووخانەی موسڵ، دوای ئازادبوونی لە ساڵی ١٩٦٨ بۆتە پێشمەرگە لە هێزی دەشتی هەولێری پارتی دیموکراتی کوردستان، کە لەوکاتەدا شەهید فارس باوە فەرماندەی هێز بووە.
لە ڕێکەوتی ١٤ی تەممووزی ١٩٦٩ بە فەرمانی سابیر شێخ جامی جێگری فەرماندەی هێز، مەحمود یابە و دوو هاوسەنگەری دەنێردرێن بۆ ئەنجامدانی چالاکییەکی پارتیزانی لە گوندی گاعدرییەی عەرەبنشین لە دەشتی گوێڕ، لە گوندەکە کەوتوونەتە بۆسەی سەرباز و جاشی ڕژێمی ئەوکاتی عێراق، مەحمود یابە و هاوسەنگەرێکی بەناوی سۆفی حەسەن شەهید بوونە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
