ژیاننامە
موحسین ئیبراهیم محەمەد عەلی، لە ساڵی ١٩٣٧ لە پارێزگای هەولێر لە دایکبووە، دەرچووی قۆناغی ناوەندی بووە و بەشداری خولی مامۆستایان کردووە و بووە مامۆستا لە ناحیەی هەریر. برایەکی بەناوی ئازاد ئیبراهیم لە ساڵی ١٩٨٣ لە ئەمنی گشتی بەغدا لە سێدارە دراوە و شەهید بووە، دایکی موحسین ئیبراهیم ناوی بوهار محەمەد و خێزانی فەریدە ئەحمەدە و كچەکەی ناوی موژدە یە.
خەباتنامە
موحسین ئیبراهیم لە ساڵی ١٩٦٢ بووە پێشمەرگە لەلای عەلی شەعبان فەرماندەی بەتالیۆنی بێتواتەی پارتی دیموکراتی کوردستان، لە ساڵی ١٩٦٣ لە ڕووبەڕوو بوونەوەی سەربازانی ڕژێم لە دۆڵی خەلەکانی سەر بە قەزای دووکان، فیشەکی بەرکەوتووە و شەهید بووە، هاوسەنگەرانی هەر لە دۆڵی خەلەکان بە خاکیان سپاردووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
