ژیاننامە
مستەفا حەمەدئەمین سەعید حەمەد ناسراو بە مستەفا باڵابەرز، ساڵی ١٩٦١ لە گوندی بانی شاری کۆن سەر بە ناحیەی خورماڵ لە دایکبووە، گوندنشین بووە و سەرقاڵی کاری جوتیاری بووە، تا قۆناغی سەرەتایی خوێندووه، دایکی مستەفا باڵابەرز ناوی مینا حەمەعەلی بووە، ساڵی ١٩٨٢ شەهید بووە.
خەباتنامە
شەهید مستەفا باڵابەرز، ساڵی ١٩٨٠ بۆتە پێشمەرگە لە بەتالیۆنی سێی هێزی سورێنی پارتی دیموکراتی کوردستان، کە لەوکاتەدا عومەر غەمگین فەرماندەی بەتالیۆن بووە، پێشمەرگەیەکی کارامەی مەفرەزە سەرەتاییەکانی دەشتی شارەزوور بووە و بەشداری لە حەوت چالاکی ئەو دەڤەرە کردووە، ساڵی ١٩٨١ بەشداری شەڕی ڕەزڵە و پاڕەزان کردووە.
لە ٨ی ئابی ١٩٨٢ بە مەفرەزەیەکی پارتیزانی بۆ ئەنجامدانی چالاکی چونەتە ناحیەی سیروان بە فەرماندەیی عومەر غەمگین، لە سیروان کەوتوونەتە بۆسەی سەربازانی ڕژێمی بەعس و مستەفا باڵابەرز چەند فیشەکێک بەر سکی کەوتووە و بە سەختی بریندار بووە، هاوسەنگەرانی بۆ چارەسەری دەیگوازنەوە بۆ گوندی ئەحمەد ئاوا و پێش گەیشتنی بە ئەحمەد ئاوا، مستەفا باڵابەرز بەهۆی سەختی برینەکەیەوە شەهید بووە و هەر لە ئەحمەد ئاوا هاوسەنگەرانی بەخاکیان سپاردووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
